ތިލައުތުރު ފުޓްސަލް- 2024 އިހަވަންދޫ ކާމިޔާބު ކޮށްފި
ތިލަދުންމަތީ އުތުރުބުރީ އަތޮޅު ކައުންސިލުން އިންތިޒާމުކޮށްގެން ބާއްވާ “ތިލައުތުރު ފުޓްސަލް މުބާރާތް- 2024” އިހަވަންދޫ ކާމިޔާބު ކޮށްފިއެވެ. ހއ. ކެލާގައި މި ނޮވެންބަރު މަހުގެ 3ން 11ށް ކުރިޔަށްދިޔަ ފުޓްސަލް މުބާރާތުގައި ފައިނަލް މެޗުގައި ވާދަކުރީ އިހަވަންދޫ އާއި އުތީމެވެ.
މިއަދު ހަވީރު ކެލާ ފުޓުސަލް ދަނޑުގައިކުޅުނު ފައިނަލް މެޗު އުތީމާއެކު ކުޅެ 1-0 ކުރި ހޯދައިގެން މުބާރާތުގެ ޗެމްޕިއަންކަން ހޯދާފައިވަނީ އިހަވަންދޫ ޓީމެވެ.
މުބާރާތުގެ އެންމެ މޮޅު 5 ކުޅުންތެރިންގެ ގޮތުގައި ހޮވިފައިވަނީ
އުތީމު ޓީމުގެ ޖާރޒީ ނަންބަރު 7 މުޙައްމަދު މަޒީން
އިހަވަންދޫ ޓީމުގެ ޖާރޒީ ނަންބަރު 7 މުޙައްމަދު މަދީޙް
އިހަވަންދޫ ޓީމުގެ ޖާރޒީ ނަންބަރު 10 އިބްރާހީމް ޙާމިދު
ބާރަށު ޓީމުގެ ޖާރޒީ ނަންބަރު 9 މުޙައްމަދު ޝަމާޢީލް
ބާރަށު ޓީމުގެ ޖާރޒީ ނަންބަރު 21 މުޙައްމަދު ޒަޔާން
މި މުބާރާތުގެ އެންމެ ގިނަ ގޯލްޖެހި ކުޅުންތެރިއަކީ އުތީމު ޓީމުގެ ޖާރޒީ ނަންބަރު 7 މުޙައްމަދު މަޒީނެވެ.
މުބާރާތުގެ އެންމޮމޮޅު ކޯޗަކަށް ހޮވިފައިވަނީ އިހަވަންދޫ ޓީމްގެ ކޯޗު ނޫސާން ޢަބްދުއްރައްޒާޤެވެ. އަދި މި މުބާރާތުގެ ކިންގް އޮފް ދަ ޓޯނަމަންޓްގެ މަޤާމް ހޯދީ އިހަވަންދޫ ޓީމްގެ ޖާރޒީ ނަންބަރު 7 މުޙައްމަދު މަދީޙެވެ. މުބާރާތުގެ ފެއަރ ޕްލޭ ޓީމަކަށް ހޮވިފައިވަނީ ވެސް އިހަވަންދޫ ޓީމެވެ. އަދި ރަނަރަޕް ޓީމަކީ އުތީމު ޓީމެވެ.
ފައިނަލް މެޗު ޝަރަފުވެރިކޮށްދެއްވީ ހއ. އަތޮޅު ކޮމާންޑަރ އިންސްޕެކްޓަރ އޮފް ޕޮލިސް ޙުސައިން ޝިޒްލީންއެވެ. މި އަހަރު މި މުބާރާތުގައި 10 ޓީމް ބައިވެރިވެފައިވެއެވެ.