ހއ.އަތޮޅުގެ ކައުންސިލްތަކުގެ މުވައްޒަފުންގެ ތެރެއިން ފަންނީ ކޯސްތަކުގައި ކިޔަވާ މުވައްޒަފުންނަށް މާލީ އެހީތެރިކަން ދެނީ

ހއ. އަތޮޅުގެ ކައުންސިލްތަކުގައި މަސައްކަތް ކުރާ މުވައްޒަފުންގެ ތެރެއިން ފަންނީ ކޯސްތަކުގައި ކިޔަވާ މުވައްޒަފުންނަށް މާލީ އެހީތެރިކަން ދިނުމަށް މިއަދު އެ ކައުންސިލުން ހުޅުވާލައިފިއެވެ. އަތޮޅު ކައުންސިލުން ކުރި އިޢުލާންގައިވާ ގޮތުން ފެބުރުވަރީ 20 ވަނަ ދުވަހުގެ 14:00ގެ ނިޔަލަށް ހުޅުވާލެވިފައިވާ ފުރުޞަތުގައި އަތޮޅު ކައުންސިލާއި ރަށުކައުންސިލުތަކުން ފޯމް ބަލައިގަންނާނެ ކަމުގައިވެއެވެ.
މިއީ، މިދިޔަ އަހަރު ވެސް ހއ.އަތޮޅު ކައުންސިލުން ކާމިޔާބުކަމާއެކު ކުރިއަށްގެންދިޔަ އެއް ހަރަކާތެވެ. އެގޮތުން ވޭތުވެދިޔަ އަހަރު ހއ. އަތޮޅުގެ ކައުންސިލްތަކުގެ ފަންނީ ކޯސްތަކުގައި ކިޔަވާ 2 މުވައްޒަފަކަށް މާލީ އެހީތެރިކަން ފޯރުކޮށްދީފައިވެއެވެ.
މިފަދަ ޕްރޮގްރާމްތަކުގެ މަޤުސަދަކީ، މި އަތޮޅުގެ ކައުންސިލްތަކުގައި މަސައްކަތްކުރާ މުވައްޒަފުންގެ ތެރޭގައި ލީޑަރޝިޕް ކުރިއަރުވައި، މުވައްޒަފުންގެ ފެންވަރު މަތިކުރުމުގެ އިތުރުން ފަންނީ ދާއިރާތަކުން ތަމްރީން ލިބިފައިވާ ޤާބިލް ބަޔަކަށް މުވައްޒަފުން ހެދުމެވެ.