ތިލައުތުރު އަންހެން ވޮލީމުބާރާތް މިއަދު ފެށިއްޖެ

ތިލަދުންމަތީ އުތުރުބުރީ އަތޮޅު ކައުންސިލުން އިންތިޒާމު ކޮށްގެން ބާއްވާ ތިލައުތުރު އަންހެން ވޮލީ މުބާރާތް މިއަދު ފެށިއްޖެއެވެ.
ހއ. މުރައިދޫ ވޮލީ ކޯޓުގައި ކުޅެވުނު މި މުބާރާތުގެ ފުރަތަމަ މެޗު ގައި އުތީމާއި މުރައިދޫ ބައްދަލު ކުރި މެޗު 3 ސެޓުން ކާމިޔާބު ކުރީ މުރައިދޫ އެވެ. ފުރަތަމަ ސެޓް 25-11 ދެވަނަ ސެޓް 25-3 އަދި ތިންވަނަ ސެޓް ކާމިޔާބު ކުރީ 25- 11 އިންނެވެ.

ދެ ގްރޫޕަކަށް ބަހާލައިގެން ކުރިއަށް ގެންދާ މި މުބާރާތުގައި 7 ޓީމް ބައިވެރިވެފައިވެއެވެ. އެއީ މުރައިދޫ، އުތީމު، ބާރަށް ، އިވަންދޫ، ދިއްދޫ، ކެލާ އަދި ވަށަފަރެވެ.
މި ރޭ ކުޅުނު މެޗުގައި ބައްދަލު ކުރީ ޓީމް އިހަވަންދޫ އާއި ޓީމް ބާރަށެވެ. މި މެޗު ކާމިޔާބު ކުރީ އިވަންދޫ ޓީމެވެ. ފުރަތަމަ ސެޓު 25-7، ދެވަނަ ސެޓު 25-8 އަދި ތިންވަނަ ސެޓު ކާމިޔާބު ކުރީ 25-8 އިންނެވެ.

ހއ. މުރައިދޫ ހޮސްޓު ކުރާ މި މުބާރާތް ކުރިއަށް ދާނީ މި މަހު 23 ގެ ނިޔަލަށެވެ.

މި މުބާރާތުގައި ރެފްރީކަން ކުރަނީ އޭޝިއަން ވޮލީބޯލް ކޮންފަޑެރޭޝަންގެ ރެފްރީ އާދަމް ސިޔާދު އާއި ޤައުމީ ރެފްރީން ކަމުގައިވާ ޢަބްދުއްރަޙީމް ނާޝިދު އާއި ޢަބްދުﷲ މުފީދާއި މުޙައްމަދު މަޝްޢޫދުގެ އިތުރުން ޢަޙްމަދު ރަޝީދެވެ.