އިހަވަންދޫ ކައުންސިލްގެ އިދާރާގެ ކުރީގެ ފޮޓޯއެއް
ތިލަދުންމަތީ އުތުރުބުރީ އިހަވަންދުއަކީ އަތޮޅުގައި މީހުން ދިރިއުޅޭ ރަށްރަށުގެ ތަރުތީބުން މިހާރު 5 ވަނަ ރަށެވެ. އަދި އަތޮޅުގެ އާބާދީގެ ގޮތުން 3 ވަނަ ރަށްވެސް މެއެވެ. ރަށުގެ އާބާދީއަކީ 3384 އެވެ. އިހަވަންދޫގައި ލަފާފުރުމަށްޓަކައި ބަނދަރު ހެދިފައިވެއެވެ. އިހަވަންދުއަކީ މުޅިއަތޮޅަށް ބަލާއިރު ޢުމުރާނީ ގޮތުންނާއި އިޤްތިސާދީގޮތުން ކުރިއަރަމުންއަންނަ ރަށެކެވެ. އިހަވަންދުއަކީ މަސްވެރިކަމުގައި އަތޮޅުން ފާހަގަކުރެވޭ ރަށެކެވެ. އަދި ފައިބަރުގެ މަސައްކަތް ފުޅާދާއިރާއެއްގައި ކުރަނީވެސް އިހަވަންދޫގަ އެވެ.
އިހަވަންދޫގައި 24 ގަޑިއިރު ކަރަންޓް ލިބެންހުރެއެވެ. ސިއްޙީ ޚިދުމަތް ދިނުމަށްޓަކައި ސިއްޙީ މަރުކަޒަކާއި ޑޮކްޓަރުންނާއި ނަރުހުން ތިބެއެވެ. އަދި ލެބޯޓްރީގެ ޚިދުމަތްވެސް ލިބެން ހުރެއެވެ. އިހަވަންދުއަކީ ތައުލީމީގޮތުން ފާހަގަކޮށްލެވޭ ކުރިއެރުންތަކެއް ހޯދާފައިވާ ގްރޭޑް 10،11،12 އަށް ކިޔަވައިދޭ ރަށެކެވެ. މިރަށުގައި ފުލުހުންގެ ޚިދުމަތްވެސް ލިބެމުންދެއެވެ. މިރަށުގައި ޕްރީސްކޫލެއްވެސް ހުރެއެވެ.
އިހަވަންދުއަކީ ވިޔަފާރިއާއި ދަތުރުފަތުރުގައިވެސް ގިނަބަޔަކު ޝާމިލުވާ ރަށެކެވެ. ރަށުގެ ރައްޔިތުން ދިރިއުޅުމަށްކުރާ މައިގަނޑު މަސައްކަތަކީ މަސްވެރިކަމާއި ވަޒީފާ އަދާކުރުމާއި ކޮންޓްރެކްޓް މަސައްކަތް ކުރުމާއި، ވިޔަފާރި ކުރުމެވެ. ވިޔަފާރީގެ ދާއިރާގައި އިހަވަންދޫއަކީ މުޅި ހއ. އަތޮޅުގައިވެސް އެންމެ ފާހަގަކޮށްލެވޭ ރަށެކެވެ. އަދި ފަތުރުވެރިކަމުގެ ދާއިރާގައިވެސް މަސައްކަތްކުރާ ބަޔަކު އުޅެއެވެ.
އިހަވަންދޫ ކައުންސިލް އިދާރާ ފޯން: 6500013
ކައުންސިލްގެ ރައީސް: މުޙައްމަދު ރަޝީދު
ރައީސްގެ ފޯން: 9172818
އީމެއިލް: [email protected]