ފަހި ދުވެލި

ފަހި ދުވެލި ޕްރޮގްރާމަކީ ތިލަދުންމަތީ އުތުރުބުރީ އަތޮޅުކައުންސިލްގެ ބެލުމުގެ ދަށުގައިވާ ކަނޑުގައި ދުއްވާ  އުޅަނދުފަހަރު ބޭނުންކޮށްގެން ހއ. އަތޮޅު ރައްޔިތުންނަށް ޚަރަދު ކުޑަކޮށް އަތޮޅުތެރޭގެ އެއްރަށުން އަނެއް ރަށަށް ދަތުރު ކުރެވޭނެގޮތް މަގުފަހިކޮށް ދިނުމާއި އަދި ވިޔަފާރީގެ އުޞޫލުން ކައުންސިލަށް އާމްދަނީ ލިބޭނެމަގު ފަހިކުރުމުގެ މަޤްސަދުގައި ފެށުނު ޕްރޮގްރާމެކެވެ

މި ޕްރޮގްރާމްގެ ދަށުން ކަނޑައެޅޭ ވަކި ތާވަލެއްގެ މަތިން ދިއްދޫން ކުޅުދުއްފުއްޓަށް ކޮންމެ ހަފުތާއަކު އެއްފަހަރު ފެރީ ދަތުރުތައް ވަނީ ފެށިފައެވެ. މި ޕްރޮގްރާމްގެ ދަށުން ދަތުރުކުރެވޭނެ އުސޫލްތަކާއި އަގުތައް މި އިދާރާއާ ގުޅުއްވުމުން ލިބިވަޑައި ގަންނަވާނެއެވެ. އަދި މީގެއިތުރުން އަތޮޅު ތެރެއަށާއި އެހެން އަތޮޅުތަކަށް އެކަށިގެންވާ އަގުތަކުގައި ދަތުރުތައް ކޮށްދިނުން މި ޕްރޮގްރާމްގެ ތެރެއިން ހަމަޖެހިފައި ވެއެވެ.

ސަރުކާރު އިދާރާތަކަށް ފަސޭހަކަމާއެކު ދަތުރުތައް ކުރެވޭނެ އުސޫލެއްވެސް ހަމަޖެހިފައި ވެއެވެ. އިތުރު މަޢުލޫމާތު ފޯން: 6500120