ތިލައުތުރު އަންހެން ވޮލީ މުބާރާތް – 2024 މުރައިދޫ ކާމިޔާބު ކޮށްފި

ތިލަދުންމަތީ އުތުރުބުރީ އަތޮޅު ކައުންސިލުން އިންތިޒާމުކޮށްގެން ހއ. މުރައިދޫގައި ބޭއްވި “ތިލައުތުރު ވޮލީ މުބާރާތް- 2024” ގެ ޗެމްޕިއަންކަން މުރައިދޫ ހޯދައިފިއެވެ. ހއ. އަތޮޅުގެ ރައްޔިތުންގެ މެދުގައި އެކުވެރިކަމާ އެއްބައިވަންތަކަން ދަމަހައްޓައި އާލާކޮށް، އިޖްތިމާޢީ ގުޅުން ބަދަހިކުރުމާ، ކުޅިވަރުގެ ރޫޙު އާލާކޮށް ދެމެހެއްޓުމުގެ މަޤްޞަދުގައި ބޭއްވުނު މުބާރާތެކެވެ. ނޮވެންބަރު 15- 23 އަށް ކުރިއަށް ގެންދިޔަ ވޮލީ މުބާރާތުގައި ފައިނަލް މެޗު ގައި އިހަވަންދޫ އާއި މުރައިދޫ ވާދަކޮށް އިހަވަންދޫގެ މައްޗަށް މުރައިދޫ ކުރިހޯދީ ސީދާ 3 ސެޓުން މެޗް ކާމިޔާބުކޮށްގެންނެވެ.

މިމެޗުގެ ކުއީން އޮފް ދަ މެޗަކަށް ހޮވިފައި ވަނީ މުރައިދޫ ޓީމްގެ ޖާރޒީ ނަންބަރު 17 ފާޠިމަތު ސަމާ އެވެ. މި މުބާރާތުގައި ބައިވެރިވެފައިވާ ޓީމްތަކަކީ މުރައިދޫ، އުތީމު، ބާރަށް، އިވަންދޫ، ދިއްދޫ، ކެލާ އަދި ވަށަފަރެވެ.

މުބާރާތުގެ އެންމެ މޮޅު 6 ކުޅުންތެރިންގެ ގޮތުގައި ހޮވިފައިވަނީ
މުރައިދޫ ޓީމްގެ ޖާޒީ ނަންބަރު 17 ފާޠިމަތު ސަމާ
އިހަވަންދޫ ޓީމްގެ ޖާޒީ ނަންބަރު 14 ފާޠިމަތު ޠަހޫރާ
މުރައިދޫ ޓީމްގެ ޖާޒީ ނަންބަރު 10 ފާޠިމަތު ނުހާ
ބާރާށު ޓީމްގެ ޖާޒީ ނަންބަރު 07 އާމިނަތު އަރީޝާ
މުރައިދޫ ޓީމްގެ ޖާޒީ ނަންބަރު 02 ސަމީނަތު ޙުސައިން
އިހަވަންދޫ ޓީމްގެ ޖާޒީ ނަންބަރު 09 އީނަތު އަހުލާ

މުބާރާތުގެ ވޮލީބޯލް ކުއީން އަކަށް ހޮވިފައި ވަނީ މުރައިދޫ ޓީމް ޖާރޒީ ނަންބަރު 10 ފާޠިމަތު ނުހާއެވެ. އަދި މުބާރާތުގެ އެންމެ ޒުވާން ކުޅުންތެރިއަކަށް ހޮވިފައި ވަނީ އިހަވަންދޫ ޓީމްގެ ޖާރޒީ ނަންބަރު 12 އައިރީން އިބްރާހީމެވެ. އެންމެ މޮޅު ލިބަރޯގެ މަޤާމް ޙާޞިލް ކޮށްފައި ވަނީ ވަށަފަރު ޓީމްގެ ޖާރޒީ ނަންބަރު 7 މަޒީނާ މުޙައްމަދެވެ. އެންމެ މޮޅު ކޯޗަކަށް ހޮވިފައި ވަނީ މުރައިދޫ ޓީމްގެ ކޯޗު އަސްރާރެވެ.

މުބާރާތުގެ ފެއަރޕްލޭޓީމަކަށް ހޮވިފައިވަނީ ބާރާށުޓީމެވެ. ރަނަރަޕްޓީމަކަށް ހޮވިފައިވަނީ އިހަވަންދޫ ޓީމެވެ.