ކެޕޭސިޓީ ބިލްޑިންގ ޕްރޮގްރާމް ނިމިއްޖެ

ސިވިލް ސަރވިސް ކޮމިޝަނާއި މި އަތޮޅު ކައުންސިލު ގުޅިގެން ހއ. އަތޮޅުގެ ރަށު ކައުންސިލްތަކުގެ ސިވިލް ސަރވިސް މުވައްޒަފުންނާއި ދިއްދޫ މުއައްސަސާތަކުގެ މުވައްޒަފުންނަށް އަމާޒުކޮށްގެން ހިންގި ކެޕޭސިޓީ ބިލްޑިންގ ޕްރޮގްރާމް މިއަދު ނިމިއްޖެއެވެ.
ކެޕޭސިޓީ ބިލްޑިން ޕްރޮގްރާމްގެ ނިމުމުގެ ރަސްމިއްޔާތު ޝަރަފްވެރިކޮށްދެއްވާފައިވަނީ ހއ.ދިއްދޫ މެޖިސްޓްރޭޓް ކޯޓުގެ ޗީފް އެޑްމިނިސްޓްރޭޓަރ އަލްއުސްތާޛް މުޙައްމަދު ޢަތީޤެވެ.

މި އޮކްޓޫބަރު 30 ން ނޮވެންބަރު 02 ވަނަ ދުވަހުގެ ނިޔަލަށް ހއ. އަތޮޅު ކައުންސިލްގައި ކުރިއަށް ގެންދިޔަ މި ޕްރޮގްރާމްގައި ހއ. އަތޮޅުގެ ރަށު ކައުންސިލްތަކުން 21 ބައިވެރީން ބައިވެރިވެފައިވެއެވެ. އަދި ދިއްދޫގެ މުވައްސަސާތަކުންނާއި މި ކައުންސިލްގެ މުވައްޒަފުންނާ އެކު ޖުމްލަ 43 ބައިވެރީން ބައިވެރިވެފައިވެއެވެ.
މި ޓްރެއިނިންގ ޕްރޮގްރާމް ފެސިލިޓޭޓްކޮށްދެއްވަނީ ސިވިލް ސަރވިސް ކޮމިޝަންގެ ސީނިއަރ ޓްރެއިނިން އެންޑް ޑިވެލޮޕްމަންޓް އެގްޒެކްޓިވް އިބްރާހިމް ރަޝީދެވެ.
މި ޕްރޮގްރާމްގެ ބައިވެރިންގެ އިތުރަށް ދިއްދޫ މުއައްސަސާތަކުގެ ސިވިލް ސަރވިސް މުވައްޒަފުންނަށް އަމާޒުކޮށް ސިވިލް ސަރވިސް ގަވާއިދު ސެޝަންތަކެއް އޮކްޓޫބަރު 30 އަދި ނޮވެންބަރު 01 ވަނަ ދުވަހު ވަނީ ނަގައިދީފައެވެ.