ޢަބްދުއްލަޠީފް ޙަސަން – ސެކްރެޓަރީ ޖެނެރަލް
އަލްފާޟިލް ޢަބްދުއްލަޠީފް ޙަސަން މި ކައުންސިލާ ގުޅިވަޑައިގެންނެވީ 2024 ސެޕްޓެންބަރު 26 ވަނަ ދުވަހު މި ކައުންސިލްގެ ސެކްރެޓަރީ ޖެނެރަލްގެ މަޤާމަށެވެ. ޢަބްދުއްލަޠީފް ޙަސަން ސަރުކާރަށް ޚިދުމަތް ކުރައްވަން ފެއްޓެވީ 1989 ފެބުރުވަރީ 1ވަނަ ދުވަހު ހއ.އަތޮޅު ތަޢުލީމީ މަރުކަޒުގެ ޕްރައިމަރީ ޓީޗަރެއްގެ ގޮތުގައެވެ.
އަތޮޅު ކައުންސިލް އިދާރާގެ ސެކްރެޓަރީ ޖެނެރަލްގެ ހައިސިއްޔަތުން އަލްފާޟިލް ޢަބްދުއްލަޠީޕް ޙަސަން ކުރައްވަމުން ގެންދަވާ މަސައްކަތްތަކުގެ ތެރޭގައި، އަތޮޅު ކައުންސިލްގެ މާލީ ޒިންމާދާރުވެރިޔާގެ މަސްޢޫލިއްޔަތު އަދާކުރުމާއި، އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނުގެ ދަށުން އިންތިޚާބުކޮށްފައިވާ އަތޮޅުކައުންސިލުން ފާސްކުރައްވާ ކަންކަން ތަންފީޒު ކުރުމާއި، އަތޮޅު ކައުންސިލްގެ ރައީސް އަންގަވާގޮތެއްގެމަތިން އިދާރާގެ އިދާރީ މަސައްކަތްތައް ސެކްޝަންތަކުގެ ވެރިންލައްވައި ކުރުވުމާއި، ކައުންސިލް ބިއުރޯގެ ކަންކަން ހިންގެވުން ހިމެނެއެވެ. އަދި މީގެ އިތުރުން މި ކައުންސިލްގެ އިދާރީ އެންމެހައި މަސައްކަތްތަކެއް ބެލެހެއްޓެވުމާއި، މި އަތޮޅުގެ ރަށު ކައުންސިލްތަކުގެ ސެކްރެޓަރީ ޖެނެރަލުންގެ ކަންކަން ބެލެހެއްޓެވުން ހިމެނެއެވެ.
ޢަބްދުއްލަޠީފް ޙަސަން އަދާކުރެއްވި މަޤާމުތަކުގެތެރޭގައި ހއ. އަތޮޅު ތަޢުލީމީ މަރުކަޒުގެ ޕްރައިމަރީ ޓީޗަރކަމާއި، ހއ.ތަކަންދޫ މަދަރުސަތުއް ޝަހީދު ޢަލީ ތަކުރުފާނުގެ އިސް ޓީޗަރު ކަމާއި، ހދ.ހަނިމާދޫ ސްކޫލްގެ ހެޑްމާސްޓަރު ކަމާއި، އެސިސްޓެންޓް ޕްރިންސިޕަލްކަމާއި ޑެޕިއުޓީ ޕްރިންސިޕަލްކަން ހިމެނެއެވެ. އަދި ހއ.ބާރަށު ސްކޫލްގެ ހެޑްމާސްޓަރ ކަމާއި ހއ.އުތީމު ޣާޒީ ބަންޑާރައިން ސްކޫލްގެ ހެޑްމާސްޓަރކަމާއި ޑެޕިއުޓީ ޕްރިންސިޕަލްކަން ހިމެނެއެވެ. އަދި 2013 ސެޕްޓެންބަރު 13 ވަނަ ދުވަހުން ފެށިގެން ތިލަދުންމަތީ އުތުރުބުރީ ދިއްދޫ ކައުންސިލްގެ އެސިސްޓެންޓް ކައުންސިލް އެގްޒެކެޓިވްގެ މަޤާމާއި ގުޅިވަޑައިގެން އެ ކައުންސިލްގެ ޒިންމާދާރުވެރިޔާގެ މަސްޢޫލިއްޔަތުގެ އިތުރުން މުނިސިޕަލް ސާރވިސް ޔުނިޓް ހިންގެވުމުގެ މަސްއޫލިއްޔަތު އަދާ ކުރައްވާފައި ވެއެވެ.
އަލްފާޟިލް ޢަބްދުއްލަޠީފް ޙަސަން ވަނީ މާސްޓަރ އޮފް އެޑިއުކޭޝަން އިން ލީޑަރޝިޕް އެންޑް މެނޭޖްމަންޓް އަދި ޑިޕްލޮމާ އިން ސްކޫލް މެނޭޖްމަންޓް ޙާޞިލް ކުރައްވާފައެވެ. ޢަބްދުއްލަޠީޕް ޙަސަން ސަރުކާރަށް ޚިދުމަތް ކުރައްވަމުން ގެންދާވާތާ 34 އަހަރަށްވުރެ ގިނަދުވަސް ވެފައި ވެއެވެ.
އީމެއިލް: [email protected]
ފޯން: 6500103
ޢަބްދުﷲ ޝަފީޤް –ސީނިޔަރ ކައުންސިލް އެގްޒެކެޓިވް
އަލްފާޟިލް ޢަބްދުﷲ ޝަފީޤް މި ކައުންސިލާ ގުޅިވަޑައިގެންނެވީ 22 ޑިސެންބަރު 2011 ގައި މި ކައުންސިލްގެ އެސިސްޓެންޓް ޑިރެކްޓަރަކަށެވެ. އޭގެފަހުން 21 ޑިސެންބަރު 2016 ގައި މި ކައުންސިލްގެ ޑިރެކްޓަރ ޖެނެރަލްގެ މަޤާމަށް ބަދަލު ކުރެއްވިއެވެ. އަލްފާޟިލް ޢަބްދުﷲ ޝަފީޤް ސަރުކާރަށް ޚިދުމަތް ކުރައްވަން ފެއްޓެވީ 01 ޖަނަވަރީ 2000 ގައި ހއ.އަތޮޅު ތަޢުލީމީ މަރުކަޒުގެ ޕްރައިމަރީ ޓީޗަރެއްގެ ގޮތުގައެވެ.
އަތޮޅު ކައުންސިލް އިދާރާގެ ޑިރެކްޓަރ ޖެނެރަލްގެ ހައިސިއްޔަތުން އަލްފާޟިލް ޢަބްދުﷲ ޝަފީޤް ކުރައްވަމުން ގެންދެވި މަސައްކަތްތަކުގެ ތެރޭގައި، އަތޮޅު ކައުންސިލްގެ ޒިންމާދާރު ވެރިޔާގެ މަސްޢޫލިއްޔަތު އަދާކުރުމާއި، އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނުގެ ދަށުން އިންތިޚާބުކޮށްފައިވާ އަތޮޅުކައުންސިލުން ފާސްކުރައްވާ ކަންކަން ތަންފީޒުކުރެއްވުމާއި، އަތޮޅު ކައުންސިލްގެ ރައީސް އަންގަވާގޮތެއްގެމަތިން އިދާރާގެ އިދާރީ މަސައްކަތްތައް ސެކްޝަންތަކުގެ ވެރިންލައްވައި ކުރުވުމާއި، ކައުންސިލް ބިއުރޯގެ ކަންކަން ހިންގެވުން ހިމެނެއެވެ. ލާމަރުކަޒީ ޤާނޫނަށް ގެނެވުނު 8 ވަނަ އިޞްލާހާ އެކު ކައުންސިލްތަކަށް ސެކްރެޓަރީ ޖެނެރަލުން ލެއްވި އިރު މި އިދާރާގެ ސެކްރެޓަރީ ޖެނެރަލްގެ މަސްޢޫލިއްޔަތު ސިވިލް ސާރވިސް ކޮމިޝަނުން ޙަވާލު ކުރެއްވީ އަލްފާޟިލް ޢަބްދުﷲ ޝަފީޤާއެވެ. އަދި 2022 ނޮވެމްބަރު 15 ވަނަ ދުވަހު މި އިދާރާއަށް ސެކްރެޓަރީ ޖެނެރަލެއް ހަމަޖެހިގެން ދިޔުމާ ހަމައަށް އެ މަސްޢޫލިއްޔަތު އަދާ ކުރެއްވިއެވެ.
މީގެ އިތުރުން 2022 ވަނަ އަހަރު ކައުންސިލްގެ އައު އޮނިގަނޑަށް މުވައްޒަފުން ހިޖުރަ ކުރެއްވި ފަހުން އަލްފާޟިލް ޢަބްދުﷲ ޝަފީޤް ހުންނަވަނީ ކައުންސިލްގެ ޓެކްނިކަލް ޑިޕާރޓްމަންޓްގެ ސީނިއަރ ކައުންސިލް އެގްޒެކެޓިވް މަޤާމުގައި އެންމެ އިސްވެރިޔާގެ ގޮތުގައެވެ. އަދި 2024 ފެބްރުވަރީ 29 ވަނަ ދުވަހުން ފެށިގެން 2024 ސެޕްޓެންބަރު 25 ވަނަ ދުވަހުގެ ނިޔަލަށް މި ކައުންސިލްގެ އެކްޓިންގ ސެކްރެޓަރީ ޖެނެރަލްގެ މަސްއޫލިއްޔަތާއި ޙަވާލުވެ ހުންނެވީ އަލްފާޟިލް ޢަބްދުﷲ ޝަފީޤް އެވެ.
އަލްފާޟިލް ޢަބްދުﷲ ޝަފީޤް ވަނީ ތަޢުލީމީ ދާއިރާއިން ޕޯސްޓް ގްރެޖްއޭޓް ޑިޕްލޮމާ އިން އެޑިއުކޭޝަން(އިންގްލިޝް)، ބެޗްލަރ އޮފް ޝަރީޢާ އެންޑް ލޯ ވިތް ޑިސްޓިންކްޝަން އަދި މާސްޓަރ އޮފް ބިޒްނަސް އެޑްމިނިސްޓްރޭޝަން (ސްޓްރެޓެޖީކް މެނޭޖްމަންޓް) ޙާޞިލް ކުރައްވާފައެވެ. ޢަބްދުﷲ ޝަފީޤް ސަރުކާރުގައި މެދުނުކެނޑި އުޅުއްވާތާ 22 އަހަރަށްވުރެ ގިނަދުވަސް ވެފައި ވެއެވެ. ޢަބްދުﷲ ޝަފީޤް އަދާކުރެއްވި މަޤާމުތަކުގެތެރޭގައި ހއ. އަތޮޅު ތަޢުލީމީ މަރުކަޒުގެ ޕްރައިމަރީ ޓީޗަރކަމާއި، ސުޕަރވައިޒަރކަމާއި، އަދި ގްރެޖުއޭޓް ލީޑިންގ ޓީޗަރކަން ހިމެނެއެވެ.
ފޯން: 6500118
އީމެއިލް: [email protected]
ޢަބްދުﷲ ނަޢީމް – ކައުންސިލް އެގްޒެކެޓިވް
އަލްފާޟިލް ޢަބްދުﷲ ނަޢީމް މި އިދާރާއާ ގުޅިވަޑައިގަތީ 16 އޯގަސްޓް 1982 ގައި އަތޮޅު އޮފީހުގެ ކާތިބެއްގެ ގޮތުގައެވެ. ވޭތުވެދިޔަ މުއްދަތުގެ ތެރޭގައި މި އިދާރާގެ ތަފާތު މަޤާމުތައް ފުރުއްވުމަށްފަހު 19 ޖަނަވަރީ 2015 ގައި ޑިރެކްޓަރެއްގެ މަޤާމަށް ބަދަލު ކުރެއްވިއެވެ.
2022 ވަނަ އަހަރު ކައުންސިލްގެ އައު އޮނިގަނޑަށް މުވައްޒަފުން ހިޖުރަ ކުރެއްވި ފަހުން ކައުންސިލް އެގްޒެކެޓިވް އަލްފާޟިލް ޢަބްދުﷲ ނަޢީމް އެޓޯލް ޑިވެލޮޕްމަންޓް ސެކްޝަނުގެ ވެރިޔާގެ ހައިސިއްޔަތުން، ބިޒްނަސް ޑިވެލޮޕްމަންޓް ޔުނިޓާއި، ޕޮލިސީ ޕްލޭނިންގ ރިސަރޗް އެންޑް މޮނިޓަރިންގ ޔުނިޓް ބަލަހައްޓަވަމުން ގެންދަވައެވެ.
ޢަބްދުﷲ ނަޢީމުގެ ބެއްލެވުމުގެ ދަށުން ހިނގަމުންދާ ޔުނިޓުތަކުގައި ކުރެވެމުންދާ މަސައްކަތްތަކުގެ ތެރޭގައި، އަތޮޅު ކައުންސިލަށް އާމްދަނީ ލިބޭނެގޮތްތައް ވިލަރެސްކޮށް ބެލެހެއްޓުމާއި، އަތޮޅު ކައުންސިލުން ކުރަމުންގެންދާ ވިޔަފާރީގެ ކަންކަން ބެލެހެއްޓުމާއި، އަތޮޅު ކައުންސިލުގެ ޢިމާރާތްތައް މަރާމާތުކޮށް ބެލެހެއްޓުމާއި، ގޯތިގެދޮރާއި ބިންބިމާ ގުޅޭގޮތުން މަޢުލޫމާތު ބޭނުންވާ ފަރާތްތަކަށް އެ މަޢުލޫމާތު ފޯރުކޮށްދިނުމާއި، އަތޮޅު ކައުންސިލްގެ 5 އަހަރު ދުވަހުގެ ތަރައްޤީގެ ޕްލޭން އެކުލަވާލުމުގެ މަސައްކަތް ޤާނޫނާ އެއްގޮތަށް ކުރިއަށް ގެންދިއުމާއި، ރަށު ކައުންސިލްތައް ހިނގާނުހިނގާގޮތް ބަލައި މޮނިޓަރކުރުން ހިމެނެއެވެ. އަދި މީގެ އިތުރުން ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނުގައިވާ ގޮތުގެމަތިން ކަމާގުޅޭ ފަރާތްތަކަށް ފޮނުވަންޖެހޭ ރިޕޯޓުތައް ފޮނުވުން ވެސް ހިމެނެއެވެ.
ޢަބްދުﷲ ނަޢީމް މި އިދާރާގައި ފުރުއްވި މަޤާމުތަކުގެ ތެރޭގައި ކާތިބުކަމާއި، ރޭޑިޔޯޓެލްފޯން އޮޕަރޭޓަރކަމާއި، ސެކްރެޓަރީކަމާއި، ސީނިޔަރ ސެކްރެޓަރީކަމާއި، އަތޮޅުވެރިޔާގެ އެހީތެރިކަމާއި، އަތޮޅުވެރިޔާގެ އިސް އެހީތެރިޔާ ކަމުގެ އިތުރުން، ޑެޕިއުޓީ ޑިރެކްޓަރކަން ހިމެނެއެވެ.
ޢަބްދުﷲ ނަޢީމް ވަނީ ބެޗްލަރ އޮފް ޝަރީޢާ އެންޑް ލޯވ ޙާޞިލްކުރައްވާފައެވެ. މީގެ އިތުރަށް އޭނާ ވަނީ ޑިޕްލޮމާ އިން ޕަބްލިކް އެޑްމިނިސްޓްރޭޝަން އެންޑް މެނޭޖްމަންޓްއާއި ޑިޕްލޮމާ އިން ޓީޗިންގ ޤުރްއާން ވެސް ޙާޞިލްކުރައްވާފައެވެ.
ފޯން: 6500123
އީމެއިލް [email protected]:
އަސްމާ އަބޫބަކުރު – ކައުންސިލް އެގްޒެކެޓިވް
އަލްފާޟިލާ އަސްމާ އަބޫބަކުރު މި އިދާރާއާ ގުޅިވަޑައިގަތީ 07 އޭޕްރީލް 2016 ގައެވެ.
އެޓޯލް ސަޕޯޓް ސަރވިސް ސެކްޝަންގެ ބެލުމުގެ ދަށުން އަސްމާ އަބޫބަކުރު ބަލަހައްޓަވާ ޔުނިޓް ތަކަކީ ޕަބްލިކް ސަރވިސް ޔުނިޓް، އިންފޮމޭޝަން އެންޑް މީޑިޔާ ޔުނިޓު، ލީގަލް އެންޑް ކޮންޕްލެއިންސް ޔުނިޓްގެ އިތުރުން ޓްރެއިނިންގ އެންޑް ޑިވެލޮޕްމަންޓް ޔުނިޓެވެ. އެގޮތުން އަސްމާ އަބޫބަކުރުގެ މައިގަނޑު މަސައްކަތަކީ އެޓޯލް ސަޕޯޓް ސަރވިސް ބެލުމުގެ ދަށުގައިވާ 4 ޔުނިޓްގެ މުވައްޒަފުންގެ މަސައްކަތްތައް ބެލެހެއްޓެވުމެވެ.
އަސްމާ އަބޫބަކުރު އަދާކުރެއްވި މަޤާމުތަކުގެ ތެރޭގައި ހއ. އަތޮޅު ކައުންސިލް އިދާރާގެ ކައުންސިލް އޮފިސަރ ކަމާއި، ހއ. އަތޮޅު ތަޢުލީމީމަރުކަޒުގެ އެޑްމިނިސްޓްރޭޓިވް އޮފިސަރުކަމާއި ހއ. ދިއްދޫ ޣާޒީ މުޙައްމަދު ޕްރީސްކޫލްގެ ޓީޗަރުކަން ހިމެނެއެވެ. އަލްފާޟިލާ އަސްމާ އަބޫބަކުރު ޕްރީސްކޫލް ޓީޗަރުކަން 17 އަހަރަށް ވުރެ ގިނަދުވަހު ކުރައްވާފައި ވެއެވެ.
އަސްމާ އަބޫބަކުރު ވަނީ މާސްޓަރސް އިން ބިޒްނަސް އެޑްމިނިސްޓްރޭޝަން އާއި ހިއުމަން ރިސޯސް މެނޭޖުމަންޓުގެ ދާއިރާއިން ބެޗްލަރސް ޑިގްރީ ޙާޞިލް ކުރައްވާފައެވެ.
ފޯން: 6500114
އީމެއިލް: [email protected]
މަރިޔަމް ޝަފީޤް– ކައުންސިލް އެގްޒެކެޓިވް
މަރިޔަމް ޝަފީޤާ ތިލަދުންމަތީ އުތުރުބުރީ އަތޮޅު ކައުންސިލްގެ އިދާރާއާ ގުޅިވަޑައިގެންނެވީ 2021 ނޮވެންބަރު 2 ވަނަ ދުވަހު ކައުންސިލް އެގްޒެކެޓިވް މަޤާމަށެވެ.
އަލްފާޟިލާ މަރިޔަމް ޝަފީޤާ މި އިދާރާގައި ކުރައްވަންޖެހޭ މަސައްކަތްތަކުގެ ތެރޭގައި، ކައުންސިލްގެ އެންމެހައި އިދާރީ އަދި ފަންނީ މަސައްކަތްތައް ރާވައި ހިންގައި ބެލެހެއްޓުމާއި، ކައުންސިލުން ފާސްކުރާ ނިންމުންތައް ތަންފީޒުކުރުމަށް ފުރިހަމައަށް އެއްބާރުލުންދީ، އެ ނިންމުންތައް ތަންފީޒުކުރުމުގައި އިދާރީގޮތުން ކުރަންޖެހޭ އެންމެހައި ކަންކަން ސެކްރެޓަރީ ޖެނެރަލްގެ ލަފަޔާ އިރުޝާދުގެ މަތިން ރާވައި، ހިންގައި ބެލެހެއްޓުން ހިމެނެއެވެ.
މަރިޔަމް ޝަފީޤާ މިހާތަނަށް ވަޒިފާ އަދާކުރައްވާފައި ވަނީ އެލައިޑް އިންޝުއަރެންސް ކޮމްޕެނީގެ އޮފިސަރެއްގެ މަޤާމުގައެވެ. މިގޮތުން އެކުންފުނީގެ ކޯޕަރޭޓް އެފެއަރޒް، ލީގަލް، އެޗް.އާރ އެންޑް އެންޑިގް ޑިޕާރޓްމަންޓްގައި މަސައްކަތް ކުރައްވާފައި ވެއެވެ. މި މަގާމް އަދާކުރައްވާފައިވަނީ 15 ޑިސެންބަރު 2015 ން 04 ނޮވެންބަރު 2021 ގެ ނިޔަލަށެވެ.
މަރްޔަމް ޝަފީޤާ ވަނީ މާސްޓަރސް އިން ބިޒްނަސް އެޑްމިނިސްޓްރޭޝަން އާއި ބެޗްލަރ އޮފް ބިޒްނަސް މެނޭޖުމަންޓް ޙާޞިލް ކުރައްވާފައެވެ.
ފޯން: 65000122
އީ-މެއިލް: [email protected]
އާދަމް ސަޢީދު – ލީގަލް އޮފިސަރ
އާދަމް ސަޢީދު ތިލަދުންމަތީ އުތުރުބުރީ އަތޮޅު އޮފީހާ ގުޅިވަޑައިގަތީ، 4 ޖޫން 1992 ގައި، ސީނިޔަރ ކްލާކެއްގެ ގޮތުގައެވެ. އޭގެފަހުން އަތޮޅުއޮފީހުގެ އެސިސްޓެންޓް ސެކްރެޓަރީގެ މަޤާމާއި، ސީނިޔަރ އެޑްމިނިސްޓްރޭޓިވް އޮފިސަރގެ މަޤާމާއި، އިކޮނޮމިކް ޑިވެލޮޕްމަންޓް އޮފިސަރގެ މަޤާމާއި، އެސިސްޓެންޓް ޑިރެކްޓަރގެ މަޤާމް ފުރުއްވާފައިވެއެވެ. އާދަމް ސަޢީދަށް އަތޮޅު ކައުންސިލް އިދާރާގެ ލީގަލް އޮފިސަރ މަޤާމަށް ބަދަލުކުރެއްވީ 2022 އެޕްރީލް 26 ވަނަ ދުވަހުއެވެ.
ލީގަލް އޮފިސަރ މަޤާމުގައި ކުރަންޖެހޭ މަސައްކަތްތަކުގެ ތެރޭގައި، ކައުންސިލުން ނިންމާ ނިންމުންތައް ތަންފީޛްކުރުމަށް ކުރަންޖެހޭ މަސައްކަތްތައް ކުރުމާއި، ގަވާޢިދުތަކާ އުޞޫލުތައް ހެދުމާއި، ކައުންސިލްގައި ދިމާވާ މައްސަލަތައް ބަލައި ފިޔަވަޅު އެޅުމާއި، އަތޮޅު ކައުންސިލަށާއި، ރަށު ކައުންސިލްތަކަށް ޤާނޫނީ ލަފާ ދިނުމާއި، ކައުންސިލްގެ ނަމުގައި ކޯޓްތަކަށް ހުށަހަޅަންޖެހޭ މައްސަލަތައް ހުށަހެޅުމާއި، ކޯޓުތަކުގައި ކައުންސިލް ތަމްޘީލް ކުރުމާއި، ރިޕޯޓްތައް އެކުލަވާލުމާއި، ކައުންސިލާއި އެހެނިހެން ފަރާތްތަކާ ދެމެދު ވެވޭ އެއްބަސްވުންތަކާ ގުޅިގެން ލަފަޔާއި އިރުޝާދު ދިނުމާއި، އަތޮޅު ކައުންސިލްގެ މުވައްޒަފުން ޤާނޫނާއި ޤަވާޢިދުތަކަށް އަހުލުވެރިކުރުމަށް ކުރަންޖެހޭ މަސައްކަތްތައް ކުރުންހިމެނެއެވެ.
އާދަމް ސަޢީދު، މެދުނުކެނޑި ސަރުކާރަށް 38 އަހަރު ޚިދުމަތްކުރައްވާފައިވެއެވެ. އާދަމް ސަޢީދު ފުރުއްވާފައިވާ މަޤާމުތަކުގެ ތެރޭގައި ދިވެހިރާއްޖޭގެ ތަޢުލީމު ކުރިއަރުވާ މަރުކަޒުގެ ކާތިބުކަމާއި، އައިޑެންޓިޓީކާޑު ޔުނިޓްގެ ރެކޯޑްސް ކްލާކްގެ މަޤާމާއި، ދިއްދޫ ކުޑަކަތީބުގެ މަޤާމާއި، ދިއްދޫ ކަތީބުގެ މަޤާމާއި، ދިއްދޫ ބޮޑުކަތީބުގެ މަޤާމް ހިމެނެއެވެ.
އާދަމް ސަޢީދު ވަނީ، މާސްޓާ އޮފް ޝަރީޢާ އެންޑް ލޯ (ސްޕެޝަލައިޒޭޝަން އިން ކްރިމިނަލް ލޯ) އާއި، ބެޗްލަރ އޮފް ޝަރީޢާ އެންޑް ލޯ އާއި، ޑިޕްލޮމާ އިން ޕަބްލިކް އެޑްމިނިސްޓްރޭޝަން ޙާޞިލް ކުރައްވާފައިވެއެވެ.
ފޯން: 6500121
އީމެއިލް: [email protected]
ޙުސައިން ބަދީޢު – އެސިސްޓެންޓް ކައުންސިލް އެގްޒެކެޓިވް
އަލްފާޟިލް ޙުސައިން ބަދީޢު ތިލަދުންމަތީ އުތުރުބުރީ އަތޮޅު ކައުންސިލާ ގުޅިވަޑައިގަތީ 12 އޭޕްރީލް 2017 އެސިސްޓެންޓް ޑިރެކްޓަރ މަޤާމަށެވެ. މި ކައުންސިލާ ގުޅިވަޑައިގެން ހުސައިން ބަދީޢު މަސައްކަތް ކުރައްވަމުން ގެންގޮސްފައިވަނީ މި ކައުންސިލްގައި އެޑްމިން އެޗް.އާރު އެންޑް އިންފޮމޭޝަން ޔުނިޓްގައެވެ.
އެސިސްޓެންޓް ޑިރެކްޓަރެއްގެ ޙައިޞިއްޔަތުން އަލްފާޟިލް ޙުސައިން ބަދީޢު އަދާކުރައްވަމުން ގެންދެވި މަސައްކަތުގެ ތެރޭގައި އިދާރީ މަސައްކަތްތަކާއި، މުވައްޒަފުން ބެލެހެއްޓުމާ ގުޅޭ މަސައްކަތްތަކުގެ އިތުރުން އައިޓީއާ ގުޅޭ މަސައްކަތްތައް ހިމެނެއެވެ.
2022 ވަނަ އަހަރު މި ކައުންސިލްގެ މުވައްޒަފުން ސިވިލްސަރވިސްގެ އައު އޮނިގަނޑަށް ހިޖުރަ ކުރުމާގުޅިގެން ޙުސައިން ބަދީޢު ހުންނަވަނީ މި ކައުންސިލްގެ ޓެކްނިކަލް ޑިޕާޓްމަންޓްގެ، އެޓޯލް ސަޕޯޓް ސަރވިސް ސެކްޝަންގެ ޓްރެއިނިންގ އެންޑް ޑިވެލޮޕްމަންޓް ޔުނިޓްގެ އެސިސްޓެންޓް ކައުންސިލް އެގްޒެކެޓިވް ގެ މަޤާމުގައެވެ. މި ޔުނިޓްގައި ޙުސައިން ބަދީޢު ކުރައްވަމުން ގެންދަވާ މައިގަނޑު މަސައްކަތްތަކަކީ، މުވައްޒަފުންނަށް ބޭނުންވާ ތަމްރީނުތައް ދެނެގަތުމަށް ނީޑް އެނަލިސިސް ހެދުމާއި، ތަމްރީން ޕްރޮގްރާމްތައް ހިންގުމެވެ.
ޙުސައިން ބަދީޢު އަދާކުރެއްވި މަޤާމްތަކުގެ ތެރޭގައި ހއ. އަތޮޅު ތަޢުލީމީ މަރުކަޒުގެ ޕްރައިމަރީ ޓީޗަރކަމާއި، ސްޕަވައިޒަރކަމާއި، އެސިސްޓެންޓް ހެޑްމާސްޓަރކަމާއި، ޑެޕިއުޓީ ޕްރިންސިޕަލްކަން ހިމެނެއެވެ. އެގޮތުން ތަޢުލީމީ ދާއިރާގައި މެދު ނުކެނޑި 18 އަހަރަށް ވުރެ ގިނަ ދުވަހު ޚިދުމަތް ކުރައްވާފައިވެއެވެ. އަދި ސަރުކާރަށް ޚިދުމަތް ކުރައްވަމުން ގެންދަވާތާ 24 އަހަރަށް ވުރެ ގިނަ ދުވަސް ވެފައި ވެއެވެ.
ޙުސައިން ބަދީޢު ވަނީ ސްކޫލް މެނޭޖްމަންޓްގެ ދާއިރާއިން ޑިޕްލޮމާ އަދި ޕޯސްޓް ގްރެޖުއޭޓް ޑިޕްލޮމާއިން އެޑިޔުކޭޝަން ޙާޞިލް ކުރައްވާފެއެވެ.
ފޯން: 6500116
އީމެއިލް: [email protected]
އަޙްމަދު އަދުހަމް – އެސިސްޓެންޓް ކައުންސިލް އެގްޒެކެޓިވް
އަލްފާޟިލް އަޙްމަދު އަދުހަމް، މި ކައުންސިލާ ގުޅިވަޑައިގަތީ 2022 ޖުލައި 5ވަނަ ދުވަހު އެސިސްޓެންޓް ކައުންސިލް އެގްޒެކެޓިވް މަޤާމަށެވެ.
ބިޒްނަސް ޑިވެލޮޕްމަންޓު ޔުނިޓުގެ ވެރިޔާގެ ގޮތުން އަޙްމަދު އަދުހަމްގެ މައިގަނޑު މަސައްކަތްތަކަކީ، ކައުންސިލްގެ އާމްދަނީ ހޯދޭނެ ވަސީލަތްތައް ކުރިއެރުވުމާއި، ވިޔަފާރިއާ ގުޅުންހުރި ކަންކަން ވިލަރެސްކޮށް ހިންގުމާއި، އިކޮނޮމިކް މިނިސްޓްރީގެ ފަރާތުން ކައުންސިލް މެދުވެރިކޮށް ދެމުންގެންދާ ޚިދުމަތްތަށް ދިނުމުގެ މަސައްކަތްތަކުގެ އިތުރުން ކައުންސިލްގެ ލޯންޗާއި ކާރުގެ ދަތުރުތައް ހަމަޖެއްސުމާ ގުޅޭގޮތުން ކުރަންޖެހޭ އެންމެހައި މަސައްކަތްތައް ބެލެހެއްޓުމެވެ.
އަހްމަދު އަދުހަމް އަދާކޮށްފައިވާ މަޤާމްތަކުގެ ތެރޭގައި މިނިސްޓްރީ އޮފް ހައުސިން އެންޑް އިންފްރާސްޓްރަކްޗަރގެ އެޑްމިނިސްޓްރޭޓިވް އޮފިސަރުގެ މަޤާމާއި، ފެމިލީ ކޯޓުގެ ސީނިއަރ އެޑްމިނިސްޓްރޭޓިވް އޮފިސަރުގެ މަޤާމާއި، ހއ. އަތޮޅު ތަޢުލީމީ މަރުކަޒުގެ އެޑްމިނިސްޓްރޭޓަރގެ މަޤާމް ހިމެނެއެވެ. މި މަޤާމުތަކާއެކު އަޙްމަދު އަދުހަމް ސަރުކާރަށް ޚިދުމަތް ކުރައްވާތާ 10 އަހަރަށްވުރެ ގިނަ ދުވަސްވެފައެވެ.
އަޙްމަދު އަދުހަމް ވަނީ އެސޯސިއޭޓް ޑިގްރީ އިން ބިޒްނަސް އެޑްމިނިސްޓްރޭޝަން އަދި ޑިޕްލޮމާއިން ހިއުމަން ރިސޯސް މެނޭޖްމަންޓް ޙާޞިލް ކުރައްވާފައެވެ.
ފޯން: 6500120
އީމެއިލް: [email protected]
ދީމާ މުޙައްމަދު – އެސިސްޓެންޓް ކައުންސިލް އެގްޒެކެޓިވް
އަލްފާޟިލާ ދީމާ މުޙައްމަދު ތިލަދުންމަތީ އުތުރުބުރީ އަތޮޅުކައުންސިލާ ގުޅިވަޑައިގަތީ 2021 މާރިޗު 28 ވަނަ ދުވަހު ސީނިޔަރ ކައުންސިލް އޮފިސަރެއްގެ މަޤާމަށެވެ.
2024 މޭ 6 ގައި ސްޓްރެޓެޖިކް ޕްލޭނިނިންގ އެންޑް ޕްރޮޖެކްޓް މެނޭޖްމަންޓް ޔުނިޓުގެ އެސިސްޓެންޓް ކައުންސިލް އެގްޒެކެޓިވްގެ މަޤާމަށް ބަދަލުވެ އެ މަޤާމުގައި މައިގަނޑު ގޮތެއްގައި ޔުނިޓުގެ އެންމެހާ މަސައްކަތްތައް ބެލެހެއްޓުމާއި، ކައުންސިލްތައް އަހަރުން އަހަރަށް މޮނިޓަރކޮށް ބެލެހެއްޓުމާއި، ސަރުކާރުން އަތޮޅުގައި ހިންގާ އުމްރާނީ ތަރައްޤީގެ މަޝްރޫޢުތަކާއި ގުޅިގެން ކައުންސިލްގެ އިދާރާއިން ކުރަންޖެހޭ މަސައްކަތްތައް އެހީތެރިކަން ފޯރުކޮށްދިނުމާއި ކައުންސިލުން ދައުލަތުގެ ކަމާބެހޭ މުއައްސަސާތަކަށާއި އިދާރާތަކަށް ފޮނުވަންޖެހޭ ޕީރިއަޑިކް ރިޕޯޓްތައް ގަވާއިދުން ފޮނުވުމުގެ މަސައްކަތްތައް ރާވައި ހިންގައި ބެލެހެއްޓުން ހިމެނެއެވެ.
ދީމާ މުޙައްމަދު އަދާކުރެއްވި މަޤާމްތަކުގެ ތެރޭގައި މިނިސްޓްރީ އޮފް އެޑިޔުކޭޝަންގެ އެޑްމިނިސްޓްރޭޓިވް އޮފިސަރުކަމާއި، ދިވެހިރާއްޖޭގެ ހައިކޯޓްގެ އެޑްމިނިސްޓްރޭޓިވް އޮފިސަރުކަމާއި، ހއ. އަތޮޅު ތަޢުލީމީ މަރުކަޒުގެ އެޑްމިނިސްޓްރޭޓިވް އޮފިސަރުކަމުގެ ކަމާއި، މި ކައުންސިލްގެ ސީނިއަރ އެޑްމިނިސްޓްރޭޓިވް އޮފިސަރ ކަމާއި، ޕްރޮގްރާމް ކޯޑިނޭޓަރ ކަމުގެ މަޤާމް ހިމެނެއެވެ. ދީމާ މުޙައްމަދު ސަރުކާރަށް ޚިދުމަތް ކުރައްވާތާ 08 އަހަރު ވެފައި ވެއެވެ.
ދީމާ މުޙައްމަދު ވަނީ، މާރސްޓާރސް އިން ބިޒްނަސް އެޑްމިނިސްޓްރޭޝަން އާއި ބެޗްލަރ އޮފް ބިޒްނަސް (ހިއުމަން ރިސޯސް މެނޭޖުމެންޓް) ހާޞިލު ކުރައްވާފައެވެ.
ފޯން: 6500343
އީމެއިލް: [email protected]
އަޙްމަދު ރަޝީދު – އެސިސްޓެންޓް ކައުންސިލް އެގްޒެކެޓިވް
ހއ. އަތޮޅު ކައުންސިލާއި އަޙްމަދު ރަޝީދު ގުޅިވަޑައިގަތީ 2023 އޯގަސްޓު 17 ވަނަ ދުވަހުއެވެ. އެސިސްޓެންޓް ކައުންސިލް އެގްޒެކެޓިވް ގެ މަޤާމުގައި އަޙްމަދު ރަޝީދު ބަލަހައްޓަވަމުން ގެންދަވަނީ މި ކައުންސިލްގެ ކޯޕަރޭޓް އެފެއާޒް ސެކްޝަނެވެ.
އަޙްމަދު ރަޝީދު ކުރައްވާ މައިގަނޑު މަސައްކަތްތަކަކީ، އިދާރީ ހިންގުމާއި، މުވައްޒަފުން ބެލެހެއްޓުމުގެ މަސައްކަތްތަކާއި، ފައިސާއާ ގުޅޭ އެންމެހައި މަސައްކަތްތަކާއި، ޕްރޮކިއުމަންޓްގެ މަސައްކަތްތައް ބެލެހެއްޓުމެވެ.
އަޙްމަދު ރަޝީދު އަދާކުރެއްވި މަޤާމް ތަކުގެ ތެރޭގައި 01 ފެބްރުވަރީ 1998 އިން ފެށިގެން 30 އޮކްޓޯބަރ 2011 ގެ ނިޔަލަށް ހއ. އަތޮޅު ތަޢުލީމީ މަރުކަޒުގައި ޕްރައިމަރީ ޓީޗަރުކަމާއި ސްޕަވަވައިޒަރުކަމާއި، އަދި ޑެޕިއުޓީ ޕްރިންސިޕަލްކަން ކުރައްވާފައިވެއެވެ. އަދި 31 އޮކްޓޯބަރު 2011 އިން ފެށިގެން 16 އޯގަސްޓު 2023ގެ ނިޔަލަށް ތިލަދުންމަތީ އުތުރުބުރީ ދިއްދޫ ކައުންސިލް އިދާރާގެ ކޯޕަރޭޓް އެފެއާޒް ޔުނިޓުގެ އެސިސްޓެންޓް ކައުންސިލް އެގްޒެކެޓިވްގެ މަގާމުގައި މަސައްކަތް ކުރައްވާފައި ވެއެވެ. އަޙްމަދު ރަޝީދު ސަރުކާރަށް ޚިދުމަތްކުރައްވާތާ 26 އަހަރަށް ވުރެ ގިނަދުވަސް ވެފައިވެއެވެ.
އަޙްމަދު ރަޝީދު ވަނީ ޑިޕްލޮމާއިން ޕަބްލިކް އެޑްމިނިސްޓްރޭޝަން ޙާޞިލްކުރައްވާފައެވެ.
އީ- މެއިލް: [email protected]
ފޯން: 6500348
މަޒްހަރު ސުލައިމާން – އެސިސްޓެންޓް ކައުންސިލް އެގްޒެކެޓިވް
ތިލަދުންމަތީ އުތުރުބުރީ އަތޮޅު ކައުންސިލާއި މަޒުހަރު ސުލައިމާނު ގުޅިފައިވަނީ 2023 އޯގަސްޓު 10 ވަނަ ދުވަހު އެސިސްޓެންޓް ކައުންސިލް އެގްޒެކެޓިވް މަޤާމަށެވެ.
މަޒުހަރު ސުލައިމާނު ކުރައްވާ މައިގަނޑު މަސައްކަތްތަކަކީ މި ކައުންސިލްގެ އެޓޯލް ސަޕޯޓް ސަރވިސް ސެކްޝަންގެ ޕަބްލިކް ސަރވިސް ޔުނިޓެވެ. އެސިސްޓެންޓް ކައުންސިލް އެގްޒެކެޓިވް ހައިސިއްޔަތުން މަޒުހަރު ސުލައިމާނު ކުރައްވާ މަސައްކަތްތަކުގެ ތެރޭގައި ހއ. އަތޮޅު ސްޓޭޓް ހައުސް ބެލެހެއްޓުމާއި، ޓްރާންސްޕޯޓްގެ ޚިދުމަތްތަކާއި، ކައުންސިލުން ފާހަގަ ކުރާ އެކިއެކި މުނާސަބަތުތަކާއި މުބާރާތްތަށް ރާވާ ހިންގުން ހިމެނެއެވެ.
މަޒުހަރު ސުލައިމާނު އަދާ ކުރައްރެއްވި މަގާމުތަކުގެ ތެރޭގައި، ބޭންކް އޮފް މޯލްޑިވްސްގެ އެސިސްޓެންޓްކަމާއި، ލޯން ސާވިސަސް އޮފިސަރކަމާއި، އެލައިޑް އިންޝުއަރެންސްގެ އެސިސްޓެންޓް ކަސްޓަމާރ ސާވިސަރސް އޮފިސަރުގެ މަގާމު ހިމެނެއެވެ.
މަޒުހަރު ސުލައިމާނު ވަނީ ބޭންކިންގެ އެންޑް ފައިނޭންސްއިން ބެޗްލާރސް ޑިގްރީ ހާސިލްކުރައްވާފައެވެ.
އީ- މެއިލް:[email protected]
ފޯން:6500347
މުޙައްމަދު ލަޠީފު އަޙުމަދު – ފައިނޭންސް އޮފިސަރ
އަލްފާޟިލް މުޙައްމަދު ލަޠީފް ތިލަދުންމަތީ އުތުރުބުރީ އަތޮޅު ކައުންސިލާ ގުޅިވަޑައިގަތީ 2001 އެޕްރީލް 18 ވަނަ ދުވަހު ސީނިއަރ ސެކްރެޓަރީ އެއްގެ މަޤާމަށެވެ. އޭގެފަހުން ކައުންސިލްގެ އެކި މަޤާމުތައް ފުރުއްވުމަށްފަހު 2011 އޮގަސްޓު 04 ވަނަ ދުވަހު ފައިނޭންސް އޮފިސަރެއްގެ މަޤާމަށް ބަދަލު ކުރެއްވިއެވެ.
ފައިނޭންސް އޮފިސަރެއްގެ ހައިސިއްޔަތުން އަލްފާޟިލް މުޙައްމަދު ލަޠީފް މަސައްކަތް ކުރައްވަމުން ގެންދަވަނީ މި ކައުންސިލްގެ ކޯޕަރޭޓް އެފެއާޒްގައެވެ. މުޙައްމަދު ލަޠީފް ކުރައްވާ މަސައްކަތްތަކުގެ ތެރޭގައި، ކައުންސިލްގެ އެކައުންޓުން ފައިސާ އަދާ ކުރަންޖެހޭ ބިލްތަކަށް ފައިސާ އަދާކުރުމަށް މާލިއްޔަތުގަވާއިދާ އެއްގޮތަށް ފައިސާ ޚަރަދުކުރުމުގެ ހުއްދަދިނުމާއި، ކައުންސިލްގެ އެކައުންޓްތަގެ ޗެކް ރަޖިސްޓްރީ ބެލެހެއްޓުމާއި، ފައިސާ ރައްދުކުރަންޖެހޭ ފަރާތްތަކަށް ފައިސާ ޙަވާލު ކުރުމާއި، ކައުންސިލްގެ އެކައުންޓް ތަކުގެ ބާކީ ބެލެހެއްޓުމާއި ރިކޮންސިލޭޝަން ސްޓޭޓްމަންޓް ތައްޔާރު ކުރުމާއި، ކައުންސިލްގެ އެކައުންޓްތަކަށް ލިބެ ފައިސާއާއި ކުރެވޭ ޚަރަދުގެ މަސްދުވަހުގެ ރިޕޯޓް ތައްޔާރު ކުރުން ހިމެނެއެވެ. މީގެ އިތުރުން މި ކައުންސިލަށް އާމްދަނީ ލިބޭ ގޮތުގެ ތަފްޞީލް ލިޔެ ބެލެހެއްޓުމާއި، ކައުންސިލަށް ލިބޭ ފައިސާއާއި ކުރެވޭ ޚަރަދުތަކާ ގުޅިގެން ސަރުކާރަށް ފޮނުވަންޖެހޭ ރިޕޯޓް ފޮނުވުމާއި، ނީލަންކިޔަން ޖެހޭ ތަކެތި ނީލަން ކިޔުމާއި، ކައުންސިލްގެ ބެލުމުގެ ދަށުގައިވާ ފަޅުރަށްރަށާބެހޭ ކަންކަން ބެލެހެއްޓުން ހިމެނެއެވެ.
މުޙައްމަދު ލަޠީފް ސަރުކާރުގައި މެދުނުކެނޑި އުޅުއްވާތާ 40 އަހަރަށްވުރެ ގިނަދުވަސް ވެއްޖެއެވެ. މުޙައްމަދު ލަޠީފް އަދާކުރެއްވި މަޤާމުތަކުގެތެރޭގައި ފިޝަރީޒް މިނިސްޓްރީގެ އިނިސްޕެކްޓަރު ކަމާއި، ކަސްޓަމްސްގެ 2 ނަންބަރު ކާތިބު ކަމާއި ކަސްޓަމްސް އޮފިސަރ ކަމާއި، މި ކައުންސިލްގެ ސެކްރެޓަރީ ކަމާއި، ސީނިއަރ ސެކްރެޓަރީ ކަމާއި، އެޑްމިނިސްޓްރޭޓިވް އޮފިސަރު ކަމާއި، ސީނިއަރ އެޑްމިނިސްޓްރޭޓިވް ކަން ހިމެނެއެވެ.
ފޯން: 6500113
އީމެއިލް: [email protected]
ޝާދިޔާ ޒަކަރިއްޔާ – ސީނިއަރ ކައުންސިލް އޮފިސަރ
އަލްފާޟިލާ ޝާދިޔާ ޒަކަރިއްޔާ، ސަރުކާރަށް ޚިދުމަތް ކުރައްވަން ފެއްޓެވީ 01 މާރިޗް 1997 ގައެވެ. މިއޮފީހާ ގުޅިވަޑައިގަތީ 23 ނޮވެންބަރު 1997 ގައެވެ.
ސްޓްރެޖެޓިކް ޕްލޭނިންގ އެންޑް ޕްރޮޖެކްޓް މެނޭޖުމަންޓް ޔުނިޓުގެ ސީނިއަރ ކައުންސިލް އޮފިސަރ ޝާދިޔާ ޒަކަރިއްޔާގެ މައިގަނޑު މަސައްކަތަކީ ރަށު ކައުންސިލްތަކުން ހިންގާ ޙަރަކާތްތައް ވިލަރެސްކުރުމާއި ރަށުކައުންސިލްތައް މޮނިޓަރ ކުރުމާއި، ޤައުމީ ތަރައްޤީގެ ޕްލޭނަށް އަމާޒުކޮށް އަތޮޅުގެ ތަރައްޤީގެ ޕްލޭން އެކުލަވާލުމަށްބޭނުންވާ އިދާރީ އެހީތެރިކަމާއި، އަތޮޅު ކައުންސިލާއި ރަށްރަށުގެ ރަށު ކައުންސިލްތަކުން އެކުލަވާލާ ތަރައްޤީގެ ޕްލޭނާ ގުޅޭ ކަންކަން ބެލެހެއްޓުން ހިމެނެއެވެ. މީގެ އިތުރުން އަތޮޅު ކައުންސިލާއި ރަށު ކައުންސިލްތަކުން ހިންގާ ޕްރޮޖެކްޓްތައް ހިންގުމާއި ގުޅޭގޮތުން ޓެންޑަރިންގ މަރުޙަލާގައި ކުރަންޖެހޭ އެންމެހައި މަސައްކަތް ކުރުމާއި އެހީތެރިވެދިނުމެވެ.
ޝާދިޔާ ޒަކަރިއްޔާ އަދާކުރެއްވި މަޤާމްތަކުގެ ތެރޭގައި ހއ.އަތޮޅުތަޢުލީމީ މަރުކަޒުގެ ވަގުތީ ޓީޗަރުކަމާއި ހއ.އަތޮޅުކައުންސިލް އިދާރާގެ ވޯކީޓޯކީ އޮޕަރޭޓަރ ކަމާއި، އެސިސްޓެންޓް ސެކްރެޓަރީ ކަމާއި،އެސިސްޓެންޓް އެޑްމިނިސްޓްރޭޓިވް އޮފިސަރ ކަމާއި، އެސިސްޓެންޓް ރިސަރޗް އޮފިސަރ ކަމާއި، އެސިސްޓެންޓް ކައުންސިލް އޮފިސަރ ކަމާއި، ކައުންސިލް އޮފިސަރ ކަމުގެ މަޤާމް ފުރުއްވާފައިވެއެވެ. މިމަޤާމްތަކާއެކު ޝާދިޔާޒަކަރިއްޔާ ސަރުކާރަށް ޚިދުމަތް ކުރައްވާތާ، 27 އަހަރަށް ވުރެ ގިނަ ދުވަސް ވެފައިވެއެވެ.
ޝާދިޔާޒަކަރިއްޔާ ވަނީ ޑިޕްލޮމާއިން އިންފޮމޭޝަން ޓެކްނޮލޮޖީ ޙާޞިލް ކުރައްވާފައެވެ.
އީމެއިލް: [email protected]
ފޯން: 6500137
ޢާއިޝަތު ނުޒުހާ – ސީނިއަރ ކައުންސިލް އޮފިސަރ
އަލްފާޟިލާ ޢާއިޝަތު ނުޒްހާ މި އިދާރާއާ ގުޅިވަޑައިގަތީ2008 ޖުލައި 28 ގައި ސަރވެޔަރ ޓްރޭނީ ގޮތުގައެވެ. 2024 ފެބުރުވަރީ 19 ވަނަ ދުވަހުން ފެށިގެން އަދާކުރައްވަމުން ގެންދަވަނީ ސީނިއަރ ކައުންސިލް އޮފިސަރ މަޤާމެވެ.
ސީނިއަރ ކައުންސިލް އޮފިސަރެއްގެ ގޮތުގައި މިހާރު މަސައްކަތް ކުރައްވަމުން ގެންދަވަނީ ކައުންސިލްގެ އެޓޯލް ސަޕޯޓް ސަރވިސް ސެކުޝަންގެ ޕަބްލިކް ސަރވިސް ޔުނިޓުގައެވެ. ޢާއިޝަތު ނުޒްހާ ކުރައްވާ މައިގަނޑު މަސައްކަތްތަކުގެ ތެރޭގައި ކައުންސިލުން އަތޮޅު ފެންވަރުގައްޔާއި ޤައުމީ ފެންވަރުގައި ހިންގާ އެންމެހައި ކުޅިވަރު މުބާރާތްތައް ރާވާ ހިންގުން އަދި ކައުންސިލުން އަތޮޅު ފެންވަރުގައްޔާއި ޤައުމީ ފެންވަރުގައި ހިންގާ ޤުރުއާން މުބާރާތްތަކާއި އަދަބީ މުބާރާތްތައް ރާވާ ހިންގުމާއި ޓްރާންސްޕޯޓްގެ ބެކްއޮފީހުގެ މަސައްކަތްތަކާއި އަތޮޅު ކައުންސިލްގެ ބެލުމުގެ ދަށުގައި ހުންނަ ޢިމާރާތްތައް ކުއްޔަށް ދޫކުރުމާބެހޭ ކަންތައްތައް ކުރުމާއި އިޤުތިޞާދީ ނުވަތަ އިޖުތިމާޢީ ބޭނުންތަކަށް ކައުންސިލްގެ ނަމުގައި ބިންބިމާއި ފަރާއި، ފަޅު ހޯދުމާބެހޭ ލިޔުންތައް ލިޔެ އެކަމުގެ ރެކޯޑްތައް ބެލެހެއްޓުމާއި ގުދުރަތީ ގޮތުން ލިބޭ ގެއްލުންތަކުގެ މަޢުލޫމާތު ހޯދުމާއި، ލިބޭ މަޢުލޫމާތު ކަމާބެހޭ ފަރާތްތަކަށް ފޮނުވުމާއި، ރަށްރަށުގެ ގިރާ ސަރަޙައްދުތައް ޙިމާޔަތް ކުރުމަށް ކުރަންޖެހޭ މަސައްކަތްތަކުގެ އިދާރީ މަސައްކަތް ކުރުމެވެ.
ޢާއިޝަތު ނުޒްހާ މިހާތަނަށް އަދާކުރެއްވި މަޤާމުތަކުގެ ތެރޭގައި ސަރވެއަރ ޓްރޭނީގެ މަޤާމާއި، އެސިސްޓެންޓް ޕްރޮޖެކްޓް އޮފިސަރ މަޤާމާއި އެސިސްޓެންޓް ކައުންސިލް އޮފިސަރ މަޤާމާއި ކައުންސިލް އޮފިސަރ މަޤާމު ހިމެނެއެވެ. ޢާއިޝަތު ނުޒްހާ ސަރުކާރުގައި މެދުނުކެނޑި އުޅުއްވާތާ 16 އަހަރަށްވުރެ ގިނަދުވަސް ވެފައިވެއެވެ.
ޢާއިޝަތު ނުޒްހާ ވަނީ ޑިޕްލޮމާ އިން އިންފޮމޭޝަން ޓެކްނޮލޮޖީ ޙާޞިލްކޮށްފައެވެ.
ފޯން: 6500120
އީމެއިލް: [email protected]
ޢާއިޝަތު ޝަޒުނާ – ސީނިއަރ ކައުންސިލް އޮފިސަރ
އަލްފާޟިލާ ޢާއިޝަތު ޝަޒުނާ، މި ކައުންސިލާ ގުޅިވަޑައިގަތީ 2019 ފެބުރުވަރީ 12 ވަނަ ދުވަހު ސީނިއަރ އެޑްމިނިސްޓްރޭޓިވް އޮފިސަރ މަޤާމަށެވެ. ފެބުރުވަރީ 19 ވަނަ ދުވަހުން ފެށިގެން އަދާކުރައްވަމުން ގެންދަވަނީ ސީނިއަރ ކައުންސިލް އޮފިސަރ މަޤާމެވެ.
ޢާއިޝަތު ޝަޒުނާ ކޯޕަރޭޓް އެފެއާޒްގައި ކުރައްވާ މައިގަނޑު މަސައްކަތްތަކުގެ ތެރޭގައި ޓްރާންސްޕޯޓުންދޭ ޚިދުމަތްތަކުގެ ތެރެއިން ފުރަންޓް އޮފީހުން ދޭ ޚިދުމަތްތައް ދިނުމާއި، ރިސެޕްޝަނުން ރައްޔިތުންނަށް ފޯރުކޮށްދޭ ޚިދުމަތްތައް ފޯރުކޮށްދިނުމާއި، އެކަންކަން ބެލެހެއްޓުމާއި، އަތޮޅު ކައުންސިލާއި ހއ.އަތޮޅު ސްޓޭޓްހައުސްގެ އިންވެންޓްރީ ލިޔެ ބެލެހެއްޓުމާއި، ކައުންސިލްގެ އިދާރީ މަސައްކަތްތައް ބެލެހެއްޓުން ހިމެނެއެވެ.
ޝަޒުނާ އަދާކުރެއްވި މަޤާމުތަކުގެ ތެރޭގައި ހއ. އަތޮޅު ކައުންސިލް އިދާރާގެ ކައުންސިލް އޮފިސަރުކަމާއި، ސީނިއަރ އެޑްމިނިސްޓްރޭޓިވް އޮފިސަރު ކަމާއި، ފެމެލީ އެންޑް ޗިލްޑްރަން ސަރވިސް ސެންޓަރުގެ އެސިސްޓެންޓް ކައުންސިލަރުކަމާއި ސޯޝަލް ސަރވިސް އޮފިސަރުކަމާއި ހއ. އަތޮޅު ހޮސްޕިޓަލުގެ ރިސެޕްޝަނިސްޓުކަން ހިމެނެއެވެ. ޢާއިޝަތު ޝަޒުނާ ދައުލަތަށް ޚިދުމަތްކުރައްވާތާ 16 އަހަރަށްވުރެ ގިނަދުވަސް ވެފައިވެއެވެ.
ޢާއިޝަތު ޝަޒުނާ ވަނީ، ހިއުމަން ރިސޯސް އެންޑް މެނޭޖުމަންޓުން ޑިޕްލޮމާ ޙާޞިލްކުރައްވާފައެވެ.
އީމެއިލް: [email protected]
ފޯން:6500115
ޙައްވާ ޒާހިރާ – ސީނިއަރ ކައުންސިލް އޮފިސަރ
ަލްފާޟިލާ ޙައްވާ ޒާހިރާ، މި ކައުންސިލާ ގުޅިވަޑައިގަތީ 2016 އޮގަސްޓު 24 ވަނަ ދުވަހު އެސިސްޓެންޓް ކައުންސިލް އޮފިސަރ މަޤާމަށެވެ. 2024 ޑިސެންބަރު 21 ވަނަ ދުވަހުން ފެށިގެން މަސައްކަތް ކުރައްވަނީ ސީނިއަރ ކައުންސިލް އޮފިސަރެއްގެ މަޤާމުގައެވެ.
ޙައްވާ ޒާހިރާ މަސައްކަތް ކުރައްވަމުން ގެންދަވަނީ އެޓޯލް ޑިވެލޮޕްމަންޓް ސެކްޝަންގެ ސްޓްރެޓެޖިކް ޕްލޭނިންގ އެންޑް ޕްރޮޖެކްޓް މެނޭޖްމަންޓް ޔުނިޓުގައެވެ. އެގޮތުން ކުރައްވާ މައިގަނޑު މަސައްކަތްތަކަކީ ރަށު ކައުންސިލްތަކުން ހިންގާ ޙަރަކާތްތައް ވިލަރެސްކުރުމާއި ރަށުކައުންސިލްތައް މޮނިޓަރ ކުރުމާއި، ޤައުމީ ތަރައްޤީގެ ޕްލޭނަށް އަމާޒުކޮށް އަތޮޅުގެ ތަރައްޤީގެ ޕްލޭން އެކުލަވާލުމަށްބޭނުންވާ އިދާރީ އެހީތެރިކަމާއި، އަތޮޅު ކައުންސިލާއި ރަށްރަށުގެ ރަށު ކައުންސިލްތަކުން އެކުލަވާލާ ތަރައްޤީގެ ޕްލޭނާ ގުޅޭ ކަންކަން ބެލެހެއްޓުން ހިމެނެއެވެ. މީގެ އިތުރުން އަތޮޅު ކައުންސިލާއި ރަށު ކައުންސިލްތަކުން ހިންގާ ޕްރޮޖެކްޓްތައް ހިންގުމާއި ގުޅޭގޮތުން ޓެންޑަރިންގ މަރުޙަލާގައި ކުރަންޖެހޭ އެންމެހައި މަސައްކަތް ކުރުމާއި އެހީތެރިވެދިނުމެވެ.
ޙައްވާ ޒާހިރާ އަދާކުރެއްވި މަޤާމްތަކުގެ ތެރޭގައި ހއ.އަތޮޅު ތަޢުލީމީ މަރުކަޒުގެ އެޑްމިން އޮފިސަރ ކަމާއި ހއ.އަތޮޅު ހޮސްޕިޓަލްގެ ތަރުޖަމާނު މަޤާމާއި، މި ކައުންސިލްގެ އެސިސްޓެންޓް ކައުންސިލް އޮފިސަރެއްގެ މަޤާމު އަދާކުރައްވާފައި ވެއެވެ. ޙައްވާ ޒާހިރާ ދައުލަތަށް ޚިދުމަތްކުރައްވާތާ 18 އަހަރަށްވުރެ ގިނަދުވަސް ވެފައިވެއެވެ.
ޙައްވާ ޒާހިރާ ވަނީ، ޑިޕްލޮމާ އިން އިންފޮމޭޝަން ޓެކްނޮލޮޖީ ހާޞިލުކުރައްވާފައެވެ.
އީމެއިލް: [email protected]
ފޯން: 6500342
ދީމާ ޙަސަން – ސީނިއަރ ކައުންސިލް އޮފިސަރ
އަލްފާޟިލާ ދީމާ ޙަސަން، މި އޮފީހާއި ގުޅިވަޑައިގަތީ 2022 ނޮވެންބަރު 27 ވަނަ ދުވަހު ސީނިއަރ ކައުންސިލް އޮފިސަރެއްގެ މަޤާމަށެވެ.
ދީމާ ޙަސަން މަސައްކަތް ކުރައްވަމުން ގެންދަވަނީ މި ކައުންސިލްގެ ކޯޕްރޭޓް އެފެއާޒް ސެކްޝަންގެ ޕްރޮކިއުމަންޓް ޔުނިޓްގައެވެ. ދީމާ ޙަސަން ކުރައްވާ މައިގަނޑު މަސައްކަތްތަކުގެ ތެރޭގައި ޕްރޮކިއުމަންޓް ޕްލޭން ހެދުމާއި، ބީލަން އުޞޫލުން ގެންދާ ޕްރޮކިއުމަންޓް މަސައްކަތްތައް ކުރއްވުމާއި، ދުވަހުން ދުވަހަށް ހޯދަންޖެހޭ ތަކެތި ހޯދުމާއި ދައުލަތުގެ މާލިއްޔަތު ޤަވާއިދާ އެއްގޮތަށް ކައުންސިލަށް ބޭނުންވާ މުދަލާއި ޚިދުމަތް ލިބިގަތުމުގެ އެންމެހައި މަސައްކަތްކުރުން ހިމެނެއެވެ. މީގެ އިތުރުން ބިޑް އެވޯޑްކުރެވޭ ފަރާތުގެ މަޢުލޫމާތު ރަސްމީ 5 ދުވަހުގެ ތެރޭގައި ގެޒެޓުގައި ޝާއިޢުކުރުމާއި، އެވޯޑް ޑާޓާ ޝީޓް ޖެހިގެން އަންނަ މަހުގެ 10 ވަނަ ދުވަހުގެ ކުރީން ގެޒެޓްކުރުން ހިމެނެއެވެ.
ދީމާ، ވަނީ މި ކައުންސިލްގެ ކައުންސިލް އޮފިސަރ މަޤާމާއި އެސިސްޓެންޓް ކައުންސިލް އޮފިސަރ މަޤާމާއި ކައުންސިލް އޮފިސަރ( ވަގުތީ) މަގާމާއި އެސިސްޓެންޓް ކައުންސިލް އޮފިސަރ(ވަގުތީ) މަޤާމް ފުރުއްވާފައެވެ.
ދީމާ ވަނީ ބެޗްލަރސް އޮފް ބިޒްނަސް އެޑްމިނިސްޓްރޭޝަން ގެ ދާއިރާއިން ޑިގްރީ ހާސިލްކޮށްފައެވެ.
އީމެއިލް: [email protected]
ފޯނު: 6500341
ޝާއިނާ ޝަރީފް – ސީނިއަރ ކައުންސިލް އޮފިސަރ
އަލްފާޟިލާ ޝާއިނާ ޝަރީފް، މި ކައުންސިލާ ގުޅިވަޑައިގަތީ 2023 އޮކްޓޯބަރު 08ވަނަ ދުވަހު ކައުންސިލް އޮފިސަރުގެ މަޤާމަށެވެ. ސަރުކާރަށް ޚިދުމަތް ކުރައްވަން ފެއްޓެވީ 2014 މޭ 14 ވަނަ ދުވަހުއެވެ.
ޝާއިނާ ޝަރީފް މަސައްކަތް ކުރައްވަމުން ގެންދަވަނީ މި ކައުންސިލްގެ އެޓޯލް ސަޕޯޓް ސަރވިސް ސެކްޝަންގެ ޕަބްލިކް ސަރވިސް ޔުނިޓުގައެވެ. ޝާއިނާ ޝަރީފް ކުރައްވާ މައިގަނޑު މަސައްކަތްތަކުގެ ތެރޭގައި ކައުންސިލުން އަތޮޅު ފެންވަރުގައާއި ޤައުމީ ފެންވަރުގައި ހިންގާ އެކިއެކި މުބާރާތްތައް ރާވާ ހިންގުމުގައި އިދާރީގޮތުން ކުރަންޖެހޭ އެންމެހައި މަސައްކަތްތައް ކުރުމާއީ ޓްރާންސްޕޯޓް ޚިދުމަތްތަކުގެ ތެރެއިން ބެކް އޮފީހުގެ މަސައްކަތްތަކާއި ސްޓޭޓްހައުސްގެ ޚިދުމަތް ދިނުމަށް އިދާރީގޮތުން ކުރަންޖެހޭ އެންމެހައި މަސައްކަތް ކުރުން ހިމެނެއެވެ.
މީގެ ކުރީން އަދާކުރެއްވި މަޤާމުތަކުގެ ތެރޭގައި ޣާޒީ މުޙައްމަދު ޕްރީ ސްކޫލުގެ ވަގުތީ ޓީޗަރ މަޤާމާއި ހއ.އަތޮޅު ހޮސްޕިޓަލްގެ ތަރުޖަމާނު މަޤާމު އަދާކޮށްފައިވެއެވެ. މި މަޤާމުތަކާއެކު ޝާއިނާ ޝަރީފް ދައުލަތަށް ޚިދުމަތް ކުރައްވާތާ 10 އަހަރަށްވުރެ ގިނަ ދުވަސްވެފައިވެއެވެ.
ޝާއިނާ ޝަރީފް ވަނީ ބިޒްނަސް އެޑްމިނިސްޓްރޭޝަންގެ ދާއިރާއިން އެސޯސިއޭޓް ޑިގްރީ ޙާޞިލް ކުރައްވާފައެވެ.
ފޯނު ނަންބަރު: 6500018
އީ-މެއިލް: [email protected]
މަރްޔަމް ޝަރުމީލާ – ސީނިއަރ ކައުންސިލް އޮފިސަރ
އަލްފާޟިލާ މަރްޔަމް ޝަރުމީލާ ތިލަދުންމަތީ އުތުރުބުރީ އަތޮޅު ކައުންސިލާ ގުޅިވަޑައިގަތީ 2024 ޖޫން 02 ވަނަ ދުވަހުއެވެ.
މި ކައުންސިލްގައި ސީނިއަރ ކައުންސިލް އޮފިސަރެއްގެ ހައިސިއްޔަތުން މަރްޔަމް ޝަރުމީލާ މަސައްކަތް ކުރައްވަމުން ގެންދަވަނީ ކޯޕަރޭޓް އެފެއާޒް ސެކްޝަންގެ އެޗް.އާރު ޔުނިޓުގައެވެ. މަރްޔަމް ޝަރުމީލާ ކުރައްވާ މައިގަނޑު މަސައްކަތްތަކުގެ ތެރޭގައި މުވައްޒަފުން ލެއްވުމާއި، ވަކިކުރުމާއި، އިޞްލާޙީ ފިޔަވަޅު އެޅުމާއި، ޕްރޮމޯޝަން ދިނުމުގެ އިންތިޒާމުތައް ހަމަޖެއްސުމާ އަދި މީގެ އިތުރުން މުވައްޒަފުންނާއި ގުޅުންހުރި އެކިއެކި ކަންކަމުގައި އިދާރީގޮތުން ކުރަންޖެހޭ އެންމެހައި މަސައްކަތްކުރުމާއި މުވައްޒަފުންގެ މަޢުލޫމާތު ސީ.އެސް ވިއުގައަށް އަޅައި އަޕްޑޭޓްކޮށް ބެލެހެއްޓުމުގެ މަސައްކަތްކުރުމާއި މުވައްޒަފުންގެ މުސާރަ ޝީޓްތައް ތައްޔާރުކުރުން ހިމެނެއެވެ. މީގެއިތުރުން ކައުންސިލްގެ މުވައްޒަފުންގެ މަސައްކަތު ފެންވަރު ބެލުމުގެ މަސައްކަތް ފުރިހަމަކުރުމާ ގުޅޭގޮތުން ސިވިލްސަރވިސް ކޮމިޝަނުން ފޮނުވާ އެންމެހައި މަޢުލޫމާތު ސުޕަވައިޒަރުންނާ ޙިއްޞާކުރުމާއި މުވައްޒަފުންގެ މަސައްކަތު ފެންވަރު ބެލުމުގެ މަސައްކަތް ކުރިއަށް ގެންދެވިފައިވާ ގޮތުގެ ރިޕޯޓް ތައްޔާރުކޮށް ސިވިލް ސަރވިސް ކޮމިޝަނަށް ފޮނުވުން ހިމެނެއެވެ.
މަރްޔަމް ޝަރުމީލާ، ސަރުކާރަށް ޚިދުމަތް ކުރައްވަން ފެއްޓެވީ 2005 ފެބުރުވަރީ 21 ވަނަ ދުވަހުއެވެ. 2007 އެޕްރީލް 16އިން 2024 ޖޫން 01އަށް މަސައްކަތް ކުރައްވާފައިވަނީ ހއ. އަތޮޅު ތައުލީމީ މަރުކަޒުގައި އެޑްމިނިސްޓްރޭޓިވް އޮފިސަރެއްގެ ގޮތުގައެވެ. މަރްޔަމް ޝަރުމީލާ ދިވެހި ދައުލަތަށް ޚިދުމަތްކުރައްވާތާ 17 އަހަރަށްވުރެ ގިނަ ދުވަސްވެފައިވެއެވެ.
މަރްޔަމް ޝަރުމީލާ ވަނީ ޑިޕްލޮމާއިން ބިޒްނަސް މެނޭޖްމެންޓް ޙާޞިލް ކުރައްވާފައެވެ.
ފޯން:6501059
އީމެއިލް: [email protected]
އަލްއުސްތާޛާ ޙައްވާ ޝާހިދާ – ކޮންޕްލަޔަންސް އޮފިސަރ
އަލްއުސްތާޛާ ޙައްވާ ޝާހިދާ ތިލަދުންމަތީ އުތުރުބުރީ އަތޮޅުކައުންސިލާ ގުޅިވަޑައި ގަތީ 2023 ސެޕްޓެންބަރު 10 ވަނަ ދުވަހު ކޮންޕްލަޔަންސް އޮފިސަރ މަޤާމަށެވެ.
ކޮންޕްލަޔަންސް އޮފިސަރެއްގެ ހައިސިއްޔަތުން ޙައްވާ ޝާހިދާ މަސައްކަތް ކުރައްވަމުން ގެންދަވަނީ އެޓޯލް ސަރޕޯޓް ސާރވިސް ސެކްޝަނުގެ ދަށުން ލީގަލް އެންޑް ކޮންޕްލަޔަންސް ޔުނިޓުގައެވެ. ޙައްވާ ޝާހިދާ ކުރައްވާ މަސައްކަތްތަކުގެ ތެރޭގައި އަތޮޅު ކައުންސިލާއި ރަށު ކައުންސިލްތަކުން ތަކެތި ހޯދުމުގެ އެންމެހައި މަސައްކަތްތައް ދައުލަތުގެ މާލިއްޔަތުގެ ޤާނޫނާއި ގަވާއިދާއި ޚިލާފުވާ ކަންކަން ފާހަގަކޮށް އެކަށީގެންވާ ފިޔަވަޅުތައް އެޅުމަށް ލަފާދިނުމާއި، ކައުންސިލްގެ އިދާރީ ޤާބިލިއްޔަތުކަން އިތުރުކޮށް، ލާމަރުކަޒީ އުޞޫލުން ހިންގުމަށް މަގުފަހިކުރުމަށްޓަކައި ކައުންސިލްގެ މޮނިޓަރިންގ އަދި ރެގިއުލޭޓަރީ މަސައްކަތްކުރާ ފަރާތްތައް ތަމްރީނުކުރުމުގެ މަސައްކަތުގައި އެހީތެރިވެދިނުމާއި، މޮނިޓަރ ކުރެވޭ ރަށުކައުންސިލްތަކުގެ މަސައްކަތްތަކުގެ ރިޕޯޓް ތައްޔާރުކޮށް ހުށަހެޅުން ހިމެނެއެވެ. މީގެއިތުރުން، ކައުންސިލްތަކުގެ އިންޓަރނަލް އޮޑިޓްކުރުމަށް ކުރަންޖެހޭ އެންމެހައި މަސައްކަތްތަކުގައި ބައިވެރިވެ އެހީތެރިކަން ފޯރުކޮށްދިނުމާއި، ސިވިލް ސަރވިސް ކޮމިޝަން އަދި އެންޓި ކޮރަޕްޝަން ކޮމިޝަން ފަދަ މުވައްސަސާތަކުން އެކި މައްސަލަތަކާގުޅިގެން ހޯދަންބޭނުންވާ ލިޔުންތައް ފޮނުވުމާއި، އެތަންތަނަށް ހުށަހެޅޭ މައްސަލަތަކުގެ ތެރެއިން ކައުންސިލުން ބެލުމަށް އަންގާ މައްސަލަތައް ބެލުމާއި، މަޢުލޫމާތު ހޯދައި ލިބިގަތުމުގެ ޤާނޫނުގެ ދަށުން މި ކައުންސިލަށް ހޯދުމަށް އެދި ހުށަހަޅާ މަޢުލޫމާތު މުއްދަތުގައި ފޯރުކޮށްދިނުން ހިމެނެއެވެ.
މި ކައުންސިލާއި ގުޅުމުގެ ކުރިން އަދާކުރެއްވި މަޤާމުތަކުގެ ތެރޭގައި އިންދިރާ ގާނދީ މެމޯރިއަލް ހޮސްޕިޓަލްގެ ހިއުމަންރިސޯސަސް ޑިޕާރޓްމެންޓުގައި އެޑްމިނިސްޓްރޭޓިވް އޮފިސަރ ކަމާއި ތިލަދުންމަތީ އުތުރުބުރީ ދިއްދޫ ކައުންސިލްގެ ވަގުތީ އެޑްމިނިސްޓްރޭޓިވް އޮފިސަރ ކަމުގެ މަޤާމު އަދާކޮށްފައިވެއެވެ.
ހައްވާ ޝާހިދާ ވަނީ ބެޗްލާރ އޮފް ޝަރީޢާ އެންޑް ލޯ ވިތް އޮނާރސް ހާސިލްކުރައްވާފައެވެ.
ފޯނު ނަންބަރު: 6500346
އީ.މެއިލް: [email protected]
މުޙައްމަދު ސަލީމް – ކޮމްޕިއުޓަރ ޓެކްނީޝަން
އަލްފާޟިލް މުޙައްމަދު ސަލީމް ތިލަދުންމަތީ އުތުރުބުރީ ގުޅިވަޑައިގަތީ 2001 ސެޕްޓެންބަރު 26 ވަނަ ދުވަހު އަތޮޅުއޮފީހުގެ ވޯކީޓޯކީ އޮޕަރޭޓަރެއްގެ ގޮތުގައެވެ. އޭގެފަހުން އަތޮޅު އޮފީހުގެ އެކި މަޤާމުތައް ފުރުއްވުމަށްފަހު މި ކައުންސިލްގެ ކޮމްޕިއުޓަރ ޓެކްނީޝަންގެ މަޤާމަށް 2023 ޖޫން 22 ވަނަ ދުވަހު ބަދަލުކުރެއްވިއެވެ. ކޮމްޕިއުޓަރ ޓެކްނީޝަނެއްގެ ހައިސިއްޔަތުން އަލްފާޟިލް މުޙައްމަދު ސަލީމް މަސައްކަތް ކުރައްވަމުން ގެންދަވަނީ އިންފޮރމޭޝަން ޓެކްނޯލޮޖީ އެންޑް މީޑިއާ ޔުނިޓްގައެވެ.
މުޙައްމަދު ސަލީމް ކުރައްވާ މަސައްކަތްތަކުގެ ތެރޭގައި، މި ކައުންސިލްގެ ކޮމްޕިޓަރުތަކާއި ޕްރިންޓަރުތަކަށް ދިމާވާ މައްސަލަތައް ހައްލުކުރުމާއި، ކޮމްޕިއުޓަރުތަކަށް ބޭނުންވާ ސްޕެއަރ އާއި ސޮފްޓްވެއަރ، ހަމަޖެހިފައިވާ ޕްރޮސީޖާއެއްދަށުން ހޯދުމާއި، އެޗް.އާރު ސޮފްޓްވެއަރ އަށް ބޭނުންވާ ޑޭޓާތައް އެންޓަރ ކުރުމާއި އަޕްޑޭޓް ކުރުމާއި، ޖެމްސް ސިސްޓަމް ބޭނުންކޮށްގެން މުވައްޒަފުންނަށް މަސައްކަތް ކުރެވޭނެގޮތް ހަމަޖެއްސުމާއި، ޖެމްސް ސިސްޓަމަށް ދިމާވާ މައްސަލަތައް އެން.ސީ.އައި.ޓީއާ ގުޅިގެން ހައްލުކުރުމަށް މަސައްކަތް ކުރުމާއި، ނެޓްވޯރކް އަޅަންޖެހޭ ސިސްޓަމްތަކަށް ނެޓްވޯރކް އެޅުމަށް ކުރަންޖެހޭ މަސައްކަތް ކުރުމާއި، ގެމެންޕޯޓަލްގެ އަތޮޅު އެޑްމިނިސްޓްރޭޓަރ އެއްގެގޮތުން ކުރަންޖެހޭ މަސައްކަތްތައް ކުރުމާއި، މަގޭކައުންސިލް ޕޯޓަލްއާގުޅޭ މަސައްކަތްތައް ކުރުމާއި، އައިޓީ ދާއިރާއިން ރަށުކައުންސިލްތަކަށް ބޭނުންވާ އެހީތެރިކަން ފޯރުކޮށްދިނުމާއި، ދިވެހި ރައްޔިތެއްކަން އަންގައިދޭ ކާޑު ޑީ.އެން.އާރުން އަތޮޅު ކައުންސިލަށް ފޮނުވާ އައި.ޑީ ކާޑުތައް ރަށްރަށަށް ފޮނުވުމުގެ އިންތިޒާމްތައް ހަމަޖެއްސުން ހިމެނެއެވެ.
އަލްފާޟިލް މުޙައްމަދު ސަލީމް ސަރުކާރުގައި މެދުނުކެނޑި އުޅުއްވާތާ 23 އަހަރަށްވުރެ ގިނަދުވަސް ވެއްޖެއެވެ. މުޙައްމަދު ސަލީމް ވަނީ 2023 ވަނަ އަހަރު އެސޯސިއޭޓް ޑިގްރީ އިން އިންފޮރމޭޝަން ޓެކްނޯލޮޖީ ހާޞިލް ކުރައްވާފައިވެއެވެ.
ފޯން: 6500119
އީމެއިލް: [email protected]
އިސްމާޢީލް އަޝްފާޤު–އެކައުންޓްސް އޮފިސަރ
އަލްފާޟިލް އިސްމާޢީލް އަޝްފާޤު ތިލަދުންމަތީ އުތުރުބުރީ އަތޮޅުއޮފީހާ ގުޅިވަޑައިގަތީ 28 ޖުލައި 2008 ގައި އަތޮޅުއޮފީހުގެ ސަރވެޔަރ (ޓްރޭނީ) ގެ ގޮތުގައެވެ. އޭގެފަހުން އަތޮޅު އޮފީހުގެ އެކި މަޤާމުތައް ފުރުއްވުމަށްފަހު 10 އޮކްޓޫބަރު 2013 ގައި މި ކައުންސިލްގެ އެކައުންޓްސް އޮފިސަރެއްގެ މަޤާމަށް ބަދަލު ކުރެއްވިއެވެ.
އެކައުންޓްސް އޮފިސަރެއްގެ ހައިސިއްޔަތުން އަލްފާޟިލް އިސްމާޢީލް އަޝްފާޤު މަސައްކަތް ކުރައްވަމުން ގެންދަވަނީ ކޯޕަރޭޓް އެފެއާޒް ސެކްޝަންގައެވެ. އިސްމާޢީލް އަޝްފާޤު ކުރައްވާ މައިގަނޑު މަސައްކަތްތަކުގެ ތެރޭގައި، ކައުންސިލްގެ ބަޖެޓް ތައްޔާރުކުރުމާއި، ކައުންސިލްގެ މާލީ ބަޔާން ތައްޔާރުކުރުމާއި، ކައުންސިލްގެ ބޭންކް އެކައުންޓުތަކުގެ ހިސާބުތައް ބެލެހެއްޓުމާއި، މަސްދުވަހުގެ ޚަރަދު ރިޕޯޓްތައް ތައްޔާރުކުރުމާއި، ކައުންސިލްގެ ޚަރަދުތަކަށް ބޭނުންވާ ފައިސާ ވިޔަ ޕޯޓަލްއިން ރިލީޒް ކުރުމާއި، ބިލްތަކަށް ފައިސާ އަދާކުރުމަށް ކުރަންޖެހޭ މަސައްކަތްތައް ކުރުމާއި މުސާރަ ޝީޓް ޗެކްކޮށް މުސާރަ ދިނުމުގެ މަސައްކަތް ކުރުން ހިމެނެއެވެ.
އިސްމާޢީލް އަޝްފާޤު ސަރުކާރުގައި މެދުނުކެނޑި އުޅުއްވާތާ 16 އަހަރަށްވުރެ ގިނަދުވަސް ވެއްޖެއެވެ. އިސްމާޢީލް އަޝްފާޤު އަދާކުރެއްވި މަޤާމުތަކުގެތެރޭގައި ހއ. އަތޮޅު އޮފީހުގެ ސަރވެޔަރ ޓްރޭނިންގ ކަމުގެ މަޤާމާއި، އެސިސްޓެންޓް ސަރވެޔަރ ކަމުގެ މަޤާމާއި، އެސިސްޓެންޓް ޕްރޮޖެކްޓް އޮފިސަރކަމުގެ މަޤާމާއި، އެސިސްޓެންޓް އެކައުންޓްސް އޮފިސަރުކަން ހިމެނެއެވެ.
ފޯން: 6500114
އީމެއިލް: [email protected]
ޢާއިޝަތު ޝިފާޒާ – ބިޒްނަސް ޑިވެލޮޕްމަންޓް އޮފިސަރ
އަލްފާޟިލާ ޢާއިޝަތު ޝިފާޒާ ތިލަދުންމަތީ އުތުރުބުރީ އަތޮޅުކައުންސިލާ ގުޅިވަޑައިގެންނެވީ 2020 ފެބުރުއަރީ 18 ވަނަ ދުވަހު އެކައުންޓުސް އޮފިސަރ މަޤާމަށެވެ.
ބިޒްނަސް ޑިވެލޮޕްމަންޓް އޮފިސަރެއްގެ ހައިސިއްޔަތުން ޢާއިޝަތު ޝިފާޒާ މަސައްކަތް ކުރައްވަމުން ގެންދަވަނީ މި ކައުންސިލްގެ އެޓޯލް ޑިވެލޮޕްމަންޓް ސެކްޝަނުގެ ބިޒްނަސް ޑިވެލޮޕްމަންޓް ޔުނިޓުގައެވެ.
ޢާއިޝަތު ޝިފާޒާ ކުރައްވާ މައިގަނޑު މަސައްކަތްތަކުގެ ތެރޭގައި ޑިވެލޮޕްމެންޓް ޕްލޭންތައް ތައްޔާރުކުރުމާއި ސޭލްސް ފޯކާސްޓިން އަދި މާރކެޓް އެނާލިސިސް ހެދުމަށް ބޭނުންވާ މަޢުލޫމާތު ފޯރުކޮށްދިނުމާއި، ކައުންސިލުން އެކި އިވެންޓްތައް އިންތިޒާމްކުރުމަށް ބޭނުންވާ ސްޕޮންސަރުންގެ އެހީ ހޯދުމަށް ޕްރޮޕޯސަލްތައް ތައްޔާރުކުރުމާއި، ކައުންސިލްތަކުން ރާވާ އިޤްތިޞާދީ ސިޔާސަތުތައް ވެރިންގެ ލަފަޔާއި މަޝްވަރާގެ މަތިން ހިންގާ ބެލެހެއްޓުމާއި، ބިޒްނަސް ސްޓްރެޓީޖިކް ޕްލޭންތައް ތައްޔާރުކުރުން ހިމެނެއެވެ.
މި ކައުންސިލަށް ޚިދުމަތް ކުރައްވަން ފެށުމުގެ ކުރީން ޢާއިޝަތު ޝިފާޒާ ވަނީ ޑިޕާރޓްމަންޓް އޮފް ޕަބްލިކް އެގްޒަމިނޭޝަންސް ގެ އެސިސްޓެންޓް އޮފިސަރ ކަމުގެ މަޤާމާއި މޯލްޑިވްސް އިންލޭންޑް ރެވެނިއު އޮތޯރިޓީގެ ސީނިއަރ ޓެކްސް އޮފިސަރެއްގެ މަޤާމު ވެސް އަދާކުރައްވާފައެވެ.
ޢާއިޝަތު ޝިފާޒާ ވަނީ ބެޗްލާރސް އޮފް ކޮމާރސް ހާޞިލް ކުރައްވާފައިވެއެވެ.
ފޯން: 6500129
އީމެއިލް: [email protected]
ޖައުދާ ރަޝީދު – އެކައުންޓްސް އޮފިސަރ
އަލްފާޟިލާ ޖައުދާ ރަޝީދު މި ކައުންސިލާ ގުޅިވަޑައިގަތީ 2023 ސެޕްޓެންބަރު 10 ވަނަ ދުވަހު އެކައުންޓް އޮފިސަރެއްގެ މަޤާމަށެވެ.
ޖައުދާ ރަޝީދު މަސައްކަތް ކުރައްވަމުން ގެންދަވަނީ ކޯޕަރޭޓިވް އެފެއާރޒް ސެކްޝަނުގައެވެ.
ޖައުދާ ރަޝީދު ކުރައްވާ މައިގަނޑު މަސައްކަތްތަކުގެ ތެރޭގައި، އެކިއެކި ފަރާތްތަކާ ޙަވާލުކުރުމަށް ސަރުކާރުގެ އިދާރާތަކުން ފޮނުއްވާ ފައިސާގެ ހިސާބުތައް ލިއެ ބެލެހެއްޓުމާއި، އެފަދަ ފައިސާ ޙަވާލުކުރުމާއި، ވައުޗަރ ރަޖިސްޓްރީއާއި ޗެކް ރަޖިސްޓްރީ ލިއެ ބެލެހެއްޓުމާއި، ޚަރަދުކުރުމަށް ލިބޭފައިސާގެ އައިޓަމް ބާކީކޮށް ބެލެހެއްޓުމާއި، ސަރުކާރު އޮފީސްތަކަށް ލިބޭ އާމްދަނީ ފައިސާ އެ އޮފިސްތަކަށް ފޮނުވުމާއި، ފައިސާ ޚަރަދުކުރާ ގޮތުގެ ރިޕޯރޓް ތައްޔާރުކޮށް ފޮނުވުމާއި، ރީކޮންސްލިއޭޝަން ސްޓޭޓްމަންޓް ހެދުމާއި، ބޭންކް އެކައުންޓް ބެލެންސްކުރުމާއި، މުވައްޒަފުންގެ މުސާރަ ޝީޓް ތައްޔާރުކޮށް މުވަޒަފުންގެ އެކައުންޓްތަކަށް ޖަމާކުރުމާގުޅޭ ލިއުންތައް ތައްޔާރުކުރުމާއި، ބަޖެޓް އެކައުންޓާބެހޭ ހިސާބުތައް ލިޔެ ބެލެހެއްޓުން ހިމެނެއެވެ.
ޖައުދާ ރަޝީދު ވަނީ މިނިސްޓްރީ އޮފް އިކޮނޮމިކް ޑިވެލޮޕްމަންޓްގެ ކޯލް ސެންޓަރ އޮފިސަރގެ މަޤާމާއި، މި ކައުންސިލްގައި އެކައުންޓްސް އޮފިސަރެއްގެ ވަގުތީ މަޤާމާއި ކައުންސިލް އޮފިސަރގެ މަޤާމު އަދާކޮށްފައިވެއެވެ.
ޖައުދާ ރަޝީދު ވަނީ، ޑިޕްލޮމާ އިން އެކައުންޓް އެންޑް ފައިނޭންސް ހާޞިލުކުރައްވާފައެވެ.
ފޯން: 6501061
އީމެއިލް: [email protected]
އާމިނަތު ޝަރުވާ – ޕްރޮގްރާމް ކޯޑިނޭޓަރ
އަލްފާޟިލާ އާމިނަތު ޝަރުވާ ތިލަދުންމަތީ އުތުރުބުރީ އަތޮޅުއޮފީހާ ގުޅިވަޑައިގަތީ 2024 އޮގަސްޓު 04 ގައެވެ. ޕްރޮގްރާމް ކޯޑިނޭޓަރެއްގެ ހައިސިއްޔަތުން އަލްފާޟިލާ އާމިނަތު ޝަރުވާ މަސައްކަތް ކުރައްވަމުން ގެންދަވަނީ މި ކައުންސިލްގެ އެޓޯލް ސަޕޯޓް ސަރވިސް ސެކްޝަންގެ ޓްރެއިނިންގ ޑިވެލޮޕްމަންޓް ޔުނިޓުގައެވެ. އާމިނަތު ޝަރުވާ ކުރައްވާ މައިގަނޑު މަސައްކަތްތަކުގެ ތެރޭގައި، އަތޮޅުގެ މުވައްޒަފުންނަށް ބޭނުންވާނެ ޓްރެއިނިންގ ނީޑް އެނަލިސީސް ހެދުމާއި ޓްރެއިނިންގތައް އިންތިޒާމްކުރުމާއިގުޅޭ އެންމެހާ މަސައްކަތްކުރުމާއި، ޓްރޭނިންގ ފޯރުކޮށްދިނުމަށް ޕްލޭން އެކުލަވާލުމާއި، ހަވާލުކުރެވޭ ޓްރެއިނިންގ ޕްރޮގްރާމްތައް ކޯޑިނޭޓްކުރުމާއި، ލާމަރުކަޒީ ނިޒާމް ހަރުދަނާ ކުރުމުގެ ގޮތުން ކައުންސިލްތަކަށާއި ކައުންސިލް އިދާރާއަށް ބޭނުންވާ ހުނަރާއި ތަމްރީންތައް ކަނޑައެޅުމަށްޓަކައި ކުރަންޖެހޭ އިލްމީ ދިރާސާއާއި އެހެނިހެން މަސައްކަތް ކުރުމާއި، ސިވިލް ސަރވިސްގެ މުވައްޒަފުން ސިވިލް ސަރވިސްގެ ޤާނޫނާއި ގަވާޢިދާއި ޢުސޫލުތަކަށް އަހުލުވެރި ކުރުމުގެ ތަމްރީނު ޕްރޮގްރާމްތައް ހިންގުން ހިމެނެއެވެ.
އާމިނަތު ޝަރުވާ ވަނީ ހއ. އަތޮޅު ހޮސްޕިޓަލްގެ ތަރުޖަމާނު މަޤާމާއި، އެސިސްޓެން ކަސްޓަމަރ ސަރވިސް އޮފިސަރ މަޤާމާއި ކަސްޓަމަރ ސަރިވިސް އޮފިސަރ މަޤާމް ވެސް ފުރުއްވާފައެވެ.
އާމިނަތު ޝަރުވާ ވަނީ ބެޗްލާރސް އޮފް ބިޒްނަސް ޙާޞިލް ކުރައްވާފައެވެ.
އީމެއިލް: [email protected]
މަރްޔަމް ނަސްފާ – ކައުންސިލް އޮފިސަރ
އަލްފާޟިލާ މަރްޔަމް ނަސްފާ މި ކައުންސިލްގެ އެސިޓެންޓް ކައުންސިލް އޮފިސަރގެ މަޤާމަށް ގުޅިވަޑައިގަތީ 2022 ޖުލައި 07 ވަނަ ދުވަހުއެވެ. އަދި އޭގެ ފަހުން 2023 ޑިސެންބަރު 21 ވަނަ ދުވަހު މި ކައުންސިލްގެ ކޯޕަރޭޓް އެފެއާޒުގެ ޕްރޮކިއުމަންޓް ޔުނިޓުގެ ކައުންސިލް އޮފިސަރގެ މަޤާމަށް ވަނީ ބަދަލުވެފައެވެ.
މަރްޔަމް ނަސްފާ ގެ މައިގަނޑު މަސައްކަތަކީ ޕްރޮކިއުމަންޓް މަސައްކަތްކުރުމުގައި ޕްރޮސެސް ފުރިހަމަކުރުމާއި ދުވަހުން ދުވަހަށް ހޯދަންޖެހޭ ތަކެތި ހޯދުމާއި ޕާޗޭސް އޯޑަރ ތައްޔާރުކޮށް ފުރިހަމަކުރުމަށްފަހު އެ އެއްޗެއް ގަތުމަށް ހަމަޖެހިފައިވާ ތަނަކަށް ފޮނުވުމަށްފަހު މުދާ ގެނައުމާއި ބީލަމަށް ހުޅުވާލައިގެން ކުރަންޖެހޭ މަސައްކަތްތަކުގެ މަޢުލޫމާތު ކަރުދާހާއި އެހެނިހެން ލިޔެކިއުން ތައްޔާރުކުރުމާއި ދަޢުލަތުގެ މާލިއްޔަތު ޤަވައިދާ އެއްގޮތަށް ކައުންސިލަށް ބޭނުންވާ މުދަލާއި ޚިދުމަތް ލިބިގަތުމުގެ އެންމެހާ މަސައްކަތްކުރުން ހިމެނެއެވެ. މީގެ އިތުރުން ބިޑް އެވޯޑްކުރެވޭ ފަރާތުގެ މަޢުލޫމާތު ރަސްމީ 5 ދުވަހުގެ ތެރޭގައި ގެޒެޓުގައި ޝާއިޢުކުރުމާއި، އެވޯޑް ޑާޓާ ޝީޓް ޖެހިގެން އަންނަ މަހުގެ 10 ވަނަ ދުވަހުގެ ކުރީން ގެޒެޓްކުރުން ހިމެނެއެވެ.
އަދި މީގެ އިތުރުން މަރްޔަމް ނަސްފާ ވަނީ މި ކައުންސިލްގެ ވަގުތީ އެސިސްޓެންޓް އެކައުންޓްސް އޮފިސަރގެ މަޤާމާއި ކައުންސިލް އޮފިސަރ މަޤާމުގައި މަސައްކަތް ކުރައްވާފައެވެ.
ފޯނު: 6500344
އީ.މެއިލް: [email protected]
އަޝްފާ ޢަލީ – ކައުންސިލް އޮފިސަރ
އަލްފާޟިލާ އަޝްފާ ޢަލީ މި ކައުންސިލާ ގުޅިވަޑައިގަތީ 2024 މާރިޗް 27 ވަނަ ދުވަހު ކައުންސިލް އޮފިސަރު މަޤާމަށެވެ.
ސްޓްރެޓެޖިކް ޕްލޭނިންގ އެންޑް ޕްރޮޖެކްޓް މެނޭޖްމަންޓް ޔުނިޓްގެ މުވައްޒަފެއްގެ ގޮތުން، ކައުންސިލް އޮފިސަރ އަޝްފާ ޢަލީ ، މި ކައުންސިލްގައި ކުރަމުންދާ މައިގަނޑު މަސައްކަތްތަކުގެ ތެރޭގައި، މި އިދާރީ ދާއިރާގެ ރަށު ކައުންސިލްތަކުން ހަމަކުރަންޖެހޭ ލިޔެކިޔުންތައް ހަމަކޮށް ފޮނުވަންޖެހޭ އިދާރާތަކަށް ފޮނުވުމާއި ރަށު ކައުންސިލްތައް މޮނިޓަރކުރުމާއި، މޮނިޓަރކުރުމާގުޅޭ އިދާރީ މަސައްކަތްތައް ކުރުމާއި މި އިދާރީ ދާއިރާގެ ރަށް ރަށުގައި ހިނގަމުންދާ ޕްރޮޖެކްޓްތައް ބެލެހެއްޓުމާއި އަދި މިނޫނަސް ރަށްރަށާއި މި ކައުންސިލްގައި ހިންގޭ ބޮޑެތި ޕްރޮޖެކްޓްތަކުގެ އިދާރީ މަސައްކަތްކުރުން ހިމެނެއެވެ.
އަޝްފާ ޢަލީ މީގެ ކުރިން، ހއ.ފެމިލީ އެންޑް ޗިލްޑްރަން ސަރވިސް ސެންޓަރގެ ސޯޝަލް ޕްރޮޓަކްޝަން އޮފިސަރ ކަމާއި ލޭބަރ ރިލޭޝަންސް އޮތޯރިޓީގެ ލޭބަރ ރިލޭޝަންސް އޮފިސަރ މަޤާމު ފުރުއްވާފައިވެއެވެ. މި މަޤާމުތަކާއެކު އަޝްފާ ޢަލީ ވަނީ 13 އަހަރު ދައުލަތަށް ޚިދުމަށް ކުރައްވާފައެވެ.
އަޝްފާ ޢަލީ ވަނީ، ހިއުމަން ރިސޯސް އެންޑް މެނޭޖުމަންޓުން ޑިޕްލޮމާ ހާސިލްކުރައްވާފައެވެ.
ފޯނު: 6500127
[email protected] މެއިލް:
ހިމްނާ ރަޝީދު – ކައުންސިލް އޮފިސަރ
އަލްފާޟިލާ ހިމްނާ ރަޝީދު، ތިލަދުންމަތީ އުތުރުބުރީ އަތޮޅު ކައުންސިލާ ގުޅިވަޑައިގަތީ 2024 މެއި 24 ވަނަ ދުވަހު ކައުންސިލް އޮފިސަރ މަޤާމަށެވެ.
ހިމްނާ ރަޝީދުގެ މައިގަނޑު މަސައްކަތްތަކަކީ ކޯޕަރޭޓް އެފެއާޒްގެ ކައުންސިލް ބިއުރޯގައި ކައުންސިލުން ފާސްކުރާ ނިންމުންތައް ތަންފީޒުކުރުމަށް އިދާރީގޮތުން ކުރަންޖެހޭ އެންމެހައި ކަންތައް ކުރުމާއި، ކައުންސިލް ބައްދަލްވުންތައް އިންތިޒާމް ކުރުމާއި، ބައްދަލުވުންތަކުގެ ޔައުމިއްޔާ ލިޔެ ބެލެހެއްޓުމާއި ކައުންސިލްގެ ރައީސް ބައިވެރިވެ ވަޑައިގަންނަވާ ހަރަކާތްތަކުގެ އިދާރީ މަސައްކަތްތައް ކުރުމެވެ.
ހިމްނާ ރަޝީދު ވަނީ ބިލަބޮންގ އިންޓަނޭޝަނޭ ހައި ސްކޫލްގެ ޕްރައިމަރީ ޓީޗަރު މަޤާމާއި، ހއ. އަތޮޅު ތަޢުލީމީ މަރުކަޒުގައި ޕްރައިމަރީ ޓީޗަރުގެ މަޤާމް އަދާކުރައްވާފައެވެ. މި މަޤާމުތަކާއެކު ހިމްނާ ވަނީ 5 އަހަރު ދައުލަތަށް ޚިދުމަށް ކުރައްވާފައެވެ.
ހިމްނާ ވަނީ އެސޯސިއޭޓް ޑިގްރީ އިން ޕްރައިމަރީ ޓީޗިން ސެޓްފިކެޓް ޙާޞިލް ކުރައްވާފައެވެ.
އީމެއިލް:[email protected]
ފޯން:6501058
ޢަލީ ރަޝީދު – އެސިސްޓެންޓް ކައުންސިލް އޮފިސަރ
އަލްފާޟިލް ޢަލީ ރަޝީދު ބީޗްހައުސް ހއ. ދިއްދޫ، މި ކައުންސިލާ ގުޅިވަޑައިގަތީ 2012 ޑިސެންބަރު 20 ވަނަ ދުވަހު އެޑްމިނިސްޓްރޭޓިވް އޮފިސަރެއްގެ މަޤާމަށެވެ.
ޢަލީ ރަޝީދު ކުރައްވާ މައިގަނޑު މަސައްކަތްތަކުގެ ތެރޭގައި ކައުންސިލް ބިއުރޯގައި ކައުންސިލުން ފާސްކުރާ ނިންމުންތައް ތަންފީޒުކުރުމާގުޅޭ އެންމެހައި މަސައްކަތް ކުރުމާއި، ކައުންސިލް ޢާއްމު ބައްދަލުވުންތަކުގެ އެޖެންޑާ ދުވަހަށް ފޮނުވުމާއި، ކައުންސިލް ބައްދަލްވުންތަކުގެ ޔައުމިއްޔާ ލިޔެ ތައްޔާރުކުރުމާއި، ބައްދަލުވުންތަކުގެ ނިންމުން ލިޔެ، ޕޯސްޓްހެދުމާއި، މެންބަރުންގެ ޙާޟިރީ ލިޔެ، ތައްޔާރުކޮށް މަހުން މަހަށް އަޕްޑޭޓްކުރުމާއި، ރައީސް ބައިވެރިވެ ވަޑައިގަންނަވާ ޙަރަކާތްތަކުގެ އިދާރީ މަސައްކަތްތައް ކުރުން ހިމެނެއެވެ.
ޢަލީ ރަޝީދު ސަރުކާރު ވަޒީފާ އަދާކުރައްވަން ފައްޓަވާފައިވަނީ 03 އޭޕްރީލް 2006 ގައެވެ. 2022 ވަނަ އަހަރު ކައުންސިލްގެ އައު އޮނިގަނޑަށް މުވައްޒަފުން ހިޖުރަ ކުރެއްވި ފަހުން ޢަލީ ރަޝީދު މަސައްކަތް ކުރައްވަމުން ގެންދަވަނީ އެސިސްޓެންޓް ކައުންސިލް އޮފިސަރގެ މަޤާމްގައެވެ.
ޢަލީ ރަޝީދު ސަރުކާރަށް ޚިދުމަތް ކުރައްވާތާ 17 އަހަރަށްވުރެ ގިނަދުވަސް ވެފައިވެއެވެ. ޢަލީ ރަޝީދު އަދާކުރެއްވި މަޤާމުތަކުގެ ތެރޭގައި ހއ. ދިއްދޫ ކުޑަކަތީބުކަމުގެ މަޤާމާއި، ކަތީބުގެ އެހީތެރިޔާގެ މަޤާމާއި، ދިއްދޫ ކައުންސިލް އިދާރާގެ މުނިސިޕަލްސަރވިސް އޮފިސަރުކަމުގެ މަޤާމް ހިމެނެއެވެ.
ޢަލީރަޝީދު ވަނީ އެޑްވާންސް ސެޓްފިކެޓް އިން އޮފީސް މެނޭޖުމަންޓް، ޤާރީ ކޯސް ލެވެލް 1، އިމާމްކޯސް ލެވެލް 3، އިމާމް ކޯސް ލެވެލް 4 ގެ ސެޓްފިކެޓް ޙާޞިލް ކުރައްވާފައިވާފައެވެ.
އީމެއިލް: [email protected]
ފޯނު:6500124
އަމީމާ ޢަބްދުލްޣަނީ – އެސިސްޓެންޓް ކައުންސިލް އޮފިސަރ
އަލްފާޟިލާ އަމީމާ އަބްދުލްޣަނީ ތިލަދުންމަތީ އުތުރުބުރީ އަތޮޅު އޮފީހާ ގުޅިވަޑައިގަތީ 24 އޮކްޓޫބަރު 1992 ގައި އަތޮޅުއޮފީހުގެ ކާތިބާއެއްގެ މަޤާމަށެވެ. އޭގެފަހުން އަތޮޅު އޮފީހުގެ އެކި މަޤާމުތައް ފުރުއްވުމަށްފަހު 04އޯގަސްޓު 2011 ގައި މި އިދާރާގެ އެސިސްޓެންޓް އެޑްމިނިސްޓްރޭޓިވް އޮފިސަރެއްގެ މަޤާމަށް ބަދަލު ކުރެއްވިއެވެ. 2022 ވަނަ އަހަރު ކައުންސިލްގެ އައު އޮނިގަނޑަށް މުވައްޒަފުން ހިޖުރަ ކުރެއްވި ފަހުން އަމީމާ ޢަބްދުލްޣަނީ މަސައްކަތް ކުރައްވަނީ އެސިސްޓެންޓް ކައުންސިލް އޮފިސަރ މަޤާމުގައެވެ.
އެސިސްޓެންޓް ކައުންސިލް އޮފިސަރެއްގެ ހައިސިއްޔަތުން އަމީމާ ޢަބްދުލްޣަނީ ކޯޕަރޭޓް އެފެއާޒްގައި ކުރައްވާ މައިގަނޑު މަސައްކަތްތަކުގެ ތެރޭގައި ކައުންސިލް އިދާރާގެ ދުވަހު ޔައުމިއްޔާ ލިޔެ ބެލެހެއްޓުމުގެ އިންތިޒާމްތައް ހަމަޖެއްސުން. ކައުންސިލުން ހިންގި ހަރަކާތްތަކުގެ އަހަރީ ރިޕޯޓާ ހަމަސް ދުވަހުގެ ރިޕޯޓް ތައްޔާރުކުރުމާއި އިންތިޚާބުތަކުގެ އިދާރީ މަސައްކަތް ކުރުމާއި، ޤައުމީ ފެންވަރުގައްޔާއި އަތޮޅު އަދި ރަށު ފެންވަރުގައި ފާހަގަ ކުރާ އެކިއެކި މުނާސަބަތުތަކާއި ދުވަސްތަކާ ގުޅޭ ގޮތުން ކުރަންޖެހޭ މަސައްކަތް ކުރުމާއި، ސްޓޮކްބެލެހެއްޓުން ހިމެނެއެވެ.
އަމީމާ އަބްދުލްޣަނީ ސަރުކާރުގައި މެދުނުކެނޑި އުޅުއްވާތާ 31 އަހަރަށްވުރެ ގިނަދުވަސް ވެއްޖެއެވެ. އަމީމާ ޢަބްދުލްޣަނީ އަދާކުރެއްވި މަޤާމުތަކުގެ ތެރޭގައި ހއ. އަތޮޅު އޮފީހުގެ ކާތިބުކަމާއި، ސީނިޔަރކްލާކް ކަމާއި، އެސިސްޓެންޓް ސެކްރެޓަރީކަމާއި، އެސިސްޓެންޓް އެޑްމިނިސްޓްރޭޓިވް އޮފިސަރ، މަޤާމް ހިމެނެއެވެ.
އަމީމާ ޢަބްދުލްޣަނީ ވަނީ، ސެޓްފިކެޓް 3 އިން އޮފީސް އެޑްމިނިސްޓްރޭޝަން ކޯހުގެ ސެޓްފިކެޓް، އަދި ޤާރީ ކޯސް ލެވެލް 3 ގެ ސަނަދު ހާސިލްކުރައްވާފައެވެ.
ފޯން: 6500126
އީމެއިލް: [email protected]
އާމިނަތު ލަޠީފާ – އެސިސްޓެންޓް ކައުންސިލް އޮފިސަރ
އަލްފާޟިލާ އާމިނަތު ލަޠީފާ ތިލަދުންމަތީ އުތުރުބުރީ އަތޮޅު އޮފީހާ ގުޅިވަޑައިގަތީ 18 ޖޫން 1989 ގައި އަތޮޅުއޮފީހުގެ ވޯކީޓޯކީ އޮޕަރޭޓަރެއްގެ މަޤާމަށެވެ. އޭގެފަހުން އަތޮޅު އޮފީހުގެ އެކި މަޤާމުތައް ފުރުއްވުމަށްފަހު 04އޯގަސްޓް 2011 ގައި މި އިދާރާގެ އެސިސްޓެންޓް އެޑްމިނިސްޓްރޭޓިވް އޮފިސަރެއްގެ މަޤާމަށް ބަދަލު ކުރެއްވިއެވެ. 2022 ވަނަ އަހަރު ކައުންސިލްގެ އައު އޮނިގަނޑަށް މުވައްޒަފުން ހިޖުރަ ކުރެއްވި ފަހުން އާމިނަތު ލަޠީފާ މަސައްކަތް ކުރައްވަނީ އެސިސްޓެންޓް ކައުންސިލް އޮފިސަރ މަޤާމުގައެވެ.
ކޯޕަރޭޓް އެފެއާޒްގައި އާމިނަތު ލަޠީފާ ކުރައްވާ މައިގަނޑު މަސައްކަތްތަކުގެ ތެރޭގައި ކައުންސިލް އިދާރާގެ ދުވަހު ޔައުމިއްޔާ ލިޔެ ބެލެހެއްޓުމާއި، ސީނިޔަރ މެނޭޖްމެންޓް ބައްދަލުވުމުގެ ދުވަހު ޔައުމިއްޔާ ލިޔުމާއި ކައުންސިލުން ހިންގި ހަރަކާތްތަކުގެ އަހަރީ ރިޕޯޓާއި، ހަމަސް ދުވަހުގެ ރިޕޯޓް ތައްޔާރުކުރުމާއި، ސްޓޮކް ބެލެހެއްޓުމާއި، އިންތިޚާބުތަކުގެ އިދާރީ މަސައްކަތްތަކާއި ޤައުމީ ފެންވަރުގައްޔާއި އަތޮޅު އަދި ރަށު ފެންވަރުގައި ފާހަގަ ކުރާ އެކިއެކި މުނާސަބަތުތަކާއި ފާހަގަކުރުމުގެ އިދާރީ މަސައްކަތް ކުރުން ހިމެނެއެވެ.
އާމިނަތު ލަޠީފާ ސަރުކާރުގައި މެދުނުކެނޑި އުޅުއްވާތާ 34 އަހަރަށްވުރެ ގިނަދުވަސް ވެއްޖެއެވެ. އާމިނަތު ލަޠީފާ އަދާކުރެއްވި މަޤާމުތަކުގެ ތެރޭގައި ހއ. އަތޮޅު އޮފީހުގެ ވޯކީޓޯކީ އޮޕަރޭޓަރކަމާއި، ރޭޑިޔޯޓެލްފޯން އޮޕަރޭޓަރކަމާއި، ސީނިޔަރ ރޭޑިޔޯޓެލްފޯން އޮޕަރޭޓަރކަމާއި، ކާތިބުކަމާއި، ސީނިޔަރކްލާކްކަމާއި، އެސިސްޓެންޓް ސެކްރެޓަރީކަމާއި، އެސިސްޓެންޓް ކައުންސިލް އޮފިސަރ ހިމެނެއެވެ.
އާމިނަތު ލަޠީފާ ވަނީ، ސެޓްފިކެޓް 3 އިން އޮފީސް އެޑްމިނިސްޓްރޭޝަން ކޯހުގެ ސެޓްފިކެޓް، އެސް.އެސް.ސީ އިމްތިޙާން ދިވެހި، އަދި ޤާރީ ކޯސް ލެވެލް 4 ގެ ސަނަދު ހާސިލްކުރައްވާފައެވެ.
ފޯން: 6500125
އީމެއިލް: [email protected]
ޢާސިމާ ޢަލީ – އެސިސްޓެންޓް ކައުންސިލް އޮފިސަރ
އަލްފާޟިލާ ޢާސިމާ ޢަލީ މި ކައުންސިލާ ގުޅިވަޑައިގަތީ 19 އޭޕްރީލް 1986 ގައި އަތޮޅުއޮފީހުގެ ކާތިބެއްގެ މަޤާމަށެވެ. އޭގެފަހުން އަތޮޅު އޮފީހުގެ އެކި މަޤާމުތައް ފުރުއްވުމަށްފަހު 04 އޯގަސްޓު2011 ގައި މި ކައުންސިލްގެ އެޑްމިނިސްޓްރޭޓިވް އޮފިސަރެއްގެ މަޤާމަށް ބަދަލު ކުރެއްވިއެވެ.
އެޑްމިނިސްޓްރޭޓިވް އޮފިސަރެއްގެ ހައިސިއްޔަތުން ޢާސިމާ ޢަލީ މަސައްކަތް ކުރައްވަމުން ކޯޕަރޭޓް އެފެއާޒްގެ ސެކްޝަންގައެވެ. މި ސެކްޝަނުގައި ޢާޞިމާ ޢަލީ ކުރައްވާ މައިގަނޑު މަސައްކަތްތަކުގެ ތެރޭގައި ކައުންސިލްގެ އިދާރީ މަސައްކަތް ކުރުމާއި، އިދާރާގެ ދުވަހު ޔައުމިއްޔާ ލިޔެ ބެލެހެއްޓުމާއި، ސްޓޮކް ބެލެހެއްޓުމާއި، އިންތިޚާބުތަކުގެ އިދާރީ މަސައްކަތްތަކާއި ޤައުމީ ފެންވަރުގައްޔާއި އަތޮޅު އަދި ރަށު ފެންވަރުގައި ފާހަގަ ކުރާ އެކިއެކި މުނާސަބަތުތަކާއި ފާހަގަކުރުމުގެ އިދާރީ މަސައްކަތް ކުރުން ހިމެނެއެވެ.
އަލްފާޟިލާ ޢާސިމާ ޢަލީ ސަރުކާރުގައި މެދުނުކެނޑި އުޅުއްވާތާ 38 އަހަރަށްވުރެ ގިނަދުވަސް ވެއްޖެއެވެ. އަލްފާޟިލާ ޢާސިމވަނީ ހއ. އަތޮޅު އޮފީހުގެ ކާތިބުކަމާއި، ހއ. އަތޮޅު އޮފީހުގެ ސީނިޔަރކްލާކްކަމާއި، އެސިސްޓެންޓް ސެކްރެޓަރީކަމާއި،ސެކްރެޓަރީ، މަސައްކަތް ކުރައްވާފައެވެ.
ފޯން: 6500115
އީމެއިލް: [email protected]
އަސްމާ އިބްރާހީމް – އެސިސްޓެންޓް ކައުންސިލް އޮފިސަރ
އަލްފާޟިލާ އަސްމާ އިބްރާހީމް މި ކައުންސިލާ ގުޅިވަޑައިގަތީ 09 އޮކްޓޯބަރ 1989 ގައެވެ.
ކޯޕަރޭޓް އެފެއަރޒްގެ އެޑްމިން ޔުނިޓްގެ އެސިސްޓެންޓް ކައުންސިލް އޮފިސަރ އަސްމާ އިބްރާހީމްގެ މައިގަނޑު މަސައްކަތަކީ ރިސެޕްޝަނުން ކަސްޓަމަރުންނަށް ފޯރުކޮށްދޭންޖެހޭ ޚިދުމަތްތައް ފޯރުކޮށްދިނުމާއި އިންވެންޓްރީ ބެލެހެއްޓުމުގެ މަސައްކަތްތަކެވެ. މީގެ އިތުރުން ކޯޕަރޭޓް އެފެއާޒުގެ އިދާރީ މަސައްކަތްތަކުގެ ތެރެއިން އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އަހަރީ ރިޕޯޓްތައް ހޯދައި އެ ރިޕޯޓްތައް ލޯކަލް ގަވަރމަންޓް އޮތޯރިޓީއަށް ފޮނުވުމާއި މަގުމަގަށް އަރާ ރުއްގަހާއި، ސަރުކާރާއި ރައްޔިތުންގެ ބޭނުންތަކަށް ނެގޭ ބިންބިމުގައި ހުންނަ ރުއްގަހަށް ބަދަލު ދިނުމުގެ ކަންކަން ބެލެހެއްޓުމާއި، އެއްރަށުން އަނެއްރަށަށް ރަށްވެހިކަން ބަދަލުކުރުމުގައި އިދާރީ ގޮތުން ކުރަންޖެހޭ ހުރިހާ ކަންތައްތަކެއް ކުރުމާއި ސަރުކާރާއި ރައްޔިތުންގެ ބޭނުންތަކަށް ނެގޭ ބިންބިމުގައި ހުންނަ ރުއްގަހަށް ބަދަލު ދިނުމުގެ ކަންކަން ބެލެހެއްޓުން ފަދަ އިދާރީ މަސަކްތތްކުރުން ހިމެނެއެވެ.
އަސްމާ އިބްރާހީމް ވަނީ ހއ. އަތޮޅު ތަޢުލީމީ މަރުކަޒްގެ ކާތިބު ކަމާއި މި އޮފީހުގެ ރޭޑިޔޯ ޓެލްފޯނު އޮޕަރޭޓަރ ކަމާއި، ސީނިއަރ ރޭޑިޔޯޓެލްފޯނު އޮޕަރޭޓަރ ކަމާއި، އެސިސްޓެންޓް ސެކްރެޓަރީ ކަމާއި، ސެކްރެޓަރީ ކަމާއި އެޑްމިނިސްޓްރޭޓިވް އޮފިސަރ ކަމުގެ މަޤާމު ފުރުއްވާފައި ވެއެވެ. މިމަޤާމު ތަކާއި އެކު އަސްމާ އިބްރާހީމް މިހާރު ސަރުކާރުގެ ޚިދުމަތަށް 41 އަހަރަށް ވުރެ ދިގުމުއްދަތެއްގައި ވަނީ ޚިދުމަތް ކުރައްވާފައެވެ.
އަސްމާ އިބްރާހީމް ވަނީ ޤިރާޢަތު ލެވެލް ސެޓްފިކެޓް 4 ސެޓްފިކެޓް 3 އިން އިންފޮމޭޝަން ޓެކްނޮލޮޖީ ޙާޞިލް ކުރައްވާފައެވެ.
ފޯނު: 6500532
އީމެއިލް: [email protected]
އާމިނަތު ރަޝީދާ – އެސިސްޓެންޓް ކައުންސިލް އޮފިސަރ
އަލްފާޟިލާ އާމިނަތު ރަޝީދާ، މި ކައުންސިލާ ގުޅިވަޑައިގަތީ، 2001 އޮކްޓޫބަރު 23 ވަނަ ދުވަހު ކާތިބެއްގެ މަޤާމަށެވެ. 2022 ވަނަ އަހަރު ކައުންސިލްގެ އައު އޮނިގަނޑަށް މުވައްޒަފުން ހިޖުރަ ކުރެއްވި ފަހުން އާމިނަތު ރަޝިދާ މަސައްކަތް ކުރައްވަނީ އެސިސްޓެންޓް ކައުންސިލް އޮފިސަރ މަޤާމުގައެވެ.
އާމިނަތު ރަޝީދާ މަސައްކަތް ކުރައްވަމުން ގެންދަނީ ކައުންސިލް އިދާރާގެ ކޯޕަރޭޓް އެފެއާޒުގެ ޕްރޮކިއުމަންޓް ޔުނިޓުގައެވެ. އާމިނަތު ރަޝީދާގެ މައިގަނޑު މަސައްކަތަކީ ޕްރޮކިއުމަންޓް ޕްރޮސެސް ފުރިހަމަކުރުމާއި ދުވަހުން ދުވަހަށް ހޯދަންޖެހޭ ތަކެތި ހޯދުމާއި ޕާޗޭސް އޯޑަރ ތައްޔާރުކޮށް ފުރިހަމަކުރުމަށްފަހު އެ އެއްޗެއް ގަތުމަށް ހަމަޖެހިފައިވާ ތަނަކަށް ފޮނުވުމަށްފަހު މުދާ ގެނައުމާއި ބީލަމަށް ހުޅުވާލައިގެން ކުރަންޖެހޭ މަސައްކަތްތަކުގެ މަޢުލޫމާތު ކަރުދާހާއި އެހެނިހެން ލިޔެކިއުން ތައްޔާރުކުރުމާއި ދަޢުލަތުގެ މާލިއްޔަތު ޤަވައިދާ އެއްގޮތަށް ކައުންސިލަށް ބޭނުންވާ މުދަލާއި ޚިދުމަތް ލިބިގަތުމުގެ އެންމެހާ މަސައްކަތްކުރުން ހިމެނެއެވެ. މީގެ އިތުރުން ބިޑް އެވޯޑްކުރެވޭ ފަރާތުގެ މަޢުލޫމާތު ރަސްމީ 5 ދުވަހުގެ ތެރޭގައި ގެޒެޓުގައި ޝާއިޢުކުރުމާއި، އެވޯޑް ޑާޓާ ޝީޓް ޖެހިގެން އަންނަ މަހުގެ 10 ވަނަ ދުވަހުގެ ކުރީން ގެޒެޓްކުރުން ހިމެނެއެވެ.
އާމިނަތު ރަޝީދާ އަދާކުރެއްވި މަޤާމުތަކުގެ ތެރޭގައި ކާތިބުކަމާއި، ސީނިޔަރކްލާކްކަމާއި، އެސިސްޓެންޓް އެޑްމިނިސްޓްރޭޓިވް އޮފިސަރުކަމާއި އަދި އެސިސްޓެންޓް އިކޮނޮމިކް ޑިވެލޮޕްމަންޓް އޮފިސަރުކަން ހިމެނެއެވެ.
އާމިނަތު ރަޝީދާ ސަރުކާރުގައި މެދުނުކެނޑި އުޅުއްވާތާ 21 އަހަރަށްވުރެ ގިނަދުވަސް ވެއްޖެއެވެ.
ފޯން: 6500091
އީމެއިލް [email protected]
ޒުބައިދާ ލަޠީފު – އެސިސްޓެންޓް ކައުންސިލް އޮފިސަރ
އަލްފާޟިލާ ޒުބައިދާ ލަޠީފު ތިލަދުންމަތީ އުތުރުބުރީ އަތޮޅު އޮފީހާ ގުޅިވަޑައިގަތީ 24 އޮކްޓޯބަރ 1992 ގައި އަތޮޅުއޮފީހުގެ ކާތިބެއްގެ މަޤާމަށެވެ. އޭގެފަހުން އަތޮޅު އޮފީހުގެ އެކި މަޤާމުތައް ފުރުއްވުމަށްފަހު 04 އޯގަސްޓް 2011 ގައި މި ކައުންސިލްގެ އެސިސްޓެންޓް އެޑްމިނިސްޓްރޭޓިވް އޮފިސަރެއްގެ މަޤާމަށް ބަދަލު ކުރެއްވިއެވެ.
އެސިސްޓެންޓް އެޑްމިނިސްޓްރޭޓިވް އޮފިސަރެއްގެ ހައިސިއްޔަތުން އަލްފާޟިލާ ޒުބައިދާ ލަޠީފު މަސައްކަތް ކުރައްވަމުން ގެންދަވަނީ އެޑްމިން، އެޗްއާރު އެންޑް އިންފޮމޭޝަން ޔުނިޓްގައެވެ. ޒުބައިދާ ލަޠީފު ކުރައްވަމުން ގެންދަވާ މަސައްކަތްތަކުގެ ތެރޭގައި، ސަރުކާރުގެ އިދާރާތަކަށް ރައްދުކުރުމަށް ލިބޭތަކެތި އެ އިދާރާތަކަށް ރައްދުކުރުމާއި، އޮފީހަށް އަންނަ ސިޓީ މެސެޖް އެންޓްރީކޮށް ޔުނިޓްތަކާ ހަވާލުކުރުމާއި، ޓްރާންސްޕޯރޓް އޮތޯރިޓީން ދެއްވަމުން ގެންދަވާ ޚިދުމަތުގެ ތެރެއިން ފްރަންޓްއޮފީހުން ދެއްވަންޖެހޭ ޚިދުމަތް ދެއްވުމާއި، އޮފީހަށް އަންނަ ފޯންކޯލްތަކަށް ޖަވާބުދެއްވުމާއި، ޚިދުމަތަށް އެދި އަންނަ ފަރާތްތަކަށް ޖަވާބުދާރީވުމާއި، ޕޯސްޓްކުރަންޖެހޭ ތަކެތި ޕޯސްޓަށްފޮނުވުން ހިމެނެއެވެ.
އަލްފާޟިލާ ޒުބައިދާ ލަޠީފު ސަރުކާރުގައި މެދުނުކެނޑި އުޅުއްވާތާ 24 އަހަރަށްވުރެ ގިނަދުވަސް ވެއްޖެއެވެ. އަލްފާޟިލާ ޒުބައިދާ ލަޠީފު އަދާކުރެއްވި މަޤާމުތަކުގެ ތެރޭގައި ހއ. އަތޮޅު އޮފީހުގެ ކާތިބުކަމާއި، ސީނިޔަރކްލާކްކަމާއި، އެސިސްޓެންޓް ސެކްރެޓަރީކަން ހިމެނެއެވެ.
އީމެއިލް: [email protected]
ފޯން: 6500068
އާމިނަތު ޙަމީދު – އެސިސްޓެންޓް އެކައުންޓްސް އޮފިސަރ
އަލްފާޟިލާ އާމިނަތު ޙަމީދު ތިލަދުންމަތީ އުތުރުބުރީ އަތޮޅު އޮފީހާ ގުޅިވަޑައިގަތީ 09 ޖުލައި 2007 ގައި އަތޮޅުއޮފީހުގެ ސެކްރެޓަރީއެއްގެ މަޤާމަށެވެ. އޭގެފަހުން އަތޮޅު އޮފީހުގެ އެކި މަޤާމުތައް ފުރުއްވުމަށްފަހު 26 މާރޗް 2012 ގައި މި އިދާރާގެ އެސިސްޓެންޓް އެކައުންޓްސް އޮފިސަރެއްގެ މަޤާމަށް ބަދަލު ކުރެއްވިއެވެ.
އެސިސްޓެންޓް އެކައުންޓް އޮފިސަރެއްގެ ހައިސިއްޔަތުން އަލްފާޟިލާ އާމިނަތު ޙަމީދު މަސައްކަތް ކުރައްވަމުން ގެންދަވަނީ ކޯޕަރޭޓް އެފެއަރޒް ސެކްޝަނުގައެވެ. އާމިނަތު ޙަމީދު ކުރައްވާ މަސައްކަތްތަކުގެ ތެރޭގައި، ކައުންސިލްގެ ބޭންކް އެކައުންޓުތަކުގެ ހިސާބުތައް ބެލެހެއްޓުމާއި، މަސްދުވަހުގެ ޚަރަދު ރިޕޯޓްތައް ތައްޔާރުކުރުމާއި، ކައުންސިލްގެ ޚަރަދުތަކަށް ބޭނުންވާ ފައިސާ ވިޔަ ޕޯޓަލްއިން ރިލީޒް ކުރުމާއި، ބިލްތަކަށް ފައިސާ އަދާކުރުމަށް ކުރަންޖެހޭ މަސައްކަތްތައް ކުރުމާއި ޗެކް ރަޖިސްޓްރީ ކުރުމާއި، އެކައުންޓްތަކުގެ ބާކީ ބެލެހެއްޓުން ހިމެނެއެވެ.
އަލްފާޟިލާއާމިނަތު ޙަމީދުސަރުކާރުގައި މެދުނުކެނޑި އުޅުއްވާތާ 17 އަހަރަށްވުރެ ގިނަދުވަސް ވެއްޖެއެވެ. އަލްފާޟިލާ އާމިނަތު ޙަމީދު ވަނީ ހއ. އަތޮޅު އޮފީހުގެސެކްރެޓަރީކަމާއި ،އެޑްމިނިސްޓްރޭޓިވް އޮފިސަރު މަޤާމް އަދާކުރައްވާފައެވެ.
ފޯން: 6500128
އީމެއިލް: [email protected]
ސަމީހާ ޢަބްދުއްރަޙީމް – އެސިސްޓެންޓް ކައުންސިލް އޮފިސަރ
އަލްފާޟިލާ ސަމީހާ ޢަބްދުއްރަހީމް ތިލަދުންމަތީ އުތުރުބުރީ އަތޮޅު އޮފީހާ ގުޅިވަޑައިގަތީ 2023 މާރޗް 6 ވަނަ ދުވަހުއެވެ.
އެސިސްޓެންޓް ކައުންސިލް އޮފިސަރެއްގެ ހައިސިއްޔަތުން ސަމީހާ ޢަބްދުއްރަހީމް މަސައްކަތް ކުރައްވަމުން ގެންދަވަނީ ކޯޕަރޭޓް އެފެއާޒްގައެވެ. ސަމީހާ ޢަބްދުއްރަހީމް ކުރައްވާ މަސައްކަތްތަކުގެ ތެރޭގައި، ސަރުކާރުގެ އިދާރާތަކަށް ރައްދުކުރުމަށް ލިބޭތަކެތި އެ އިދާރާތަކަށް ރައްދުކުރުމާއި، އޮފީހަށް އަންނަ ސިޓީ މެސެޖު އެންޓްރީކޮށް ޔުނިޓްތަކާ ހަވާލުކުރުމާއި، ޓްރާންސްޕޯރޓް އޮތޯރިޓީގެ ޚިދުމަތްތަކުގެ ތެރެއިން ފްރަންޓްއޮފީހުންދޭ ޚިދުމަތްތައް ދެއްވުމާއި، އޮފީހަށް އަންނަ ފޯންކޯލްތަކަށް ޖަވާބުދެއްވުމާއި، ޚިދުމަތަށް އެދި އަންނަ ފަރާތްތަކަށް ޖަވާބުދާރީވުމާއި، ޕޯސްޓްކުރަންޖެހޭ ތަކެތި ޕޯސްޓަށްފޮނުވުން ހިމެނެއެވެ.
ސަމީހާ ޢަބްދުއްރަހީމް މީގެ ކުރީން ވަނީ ހއ. އަތޮޅު ހޮސްޕިޓަލުގެ ތަރުޖަމާނުގެ މަޤާމްގައި 15 އަހަރު ހޭދަކުރައްވާފައެވެ.
ސަމީހާ ޢަބްދުއްރަހީމް ވަނީ، ބިޒްނަސް އެޑްމިނިސްޓްރޭޝަނުން ޑިޕްލޮމާ ހާސިލްކުރައްވާފައެވެ.
ފޯން: 6500068
އީމެއިލް: [email protected]
ނަޝްވާން އިބްރާހީމް – އެސިސްޓެންޓް އެކައުންޓްސް އޮފިސަރ
އެސިސްޓެންޓް ކައުންސިލް އޮފިސަރ ނަޝްވާން އިބްރާހީމް މި ކައުންސިލާ ގުޅިވަޑައިގަތީ، 2024 ޖޫން 24 ވަނަ ދުވަހުއެވެ. އެސިސްޓެންޓް ކައުންސިލް އޮފިސަރެއްގެ މަޤާމަށެވެ.
ނަޝްވާން އިބްރާހީމް މަސައްކަތް ކުރައްވަމުން ގެންދަނީ ކައުންސިލް އިދާރާގެ ކޯޕަރޭޓް އެފެއާޒުގެ ޕްރޮކިއުމަންޓް ޔުނިޓުގައެވެ. ނަޝްވާން އިބްރާހީމްގެ މައިގަނޑު މަސައްކަތަކީ މައިގަނޑު މަސައްކަތަކީ ޕްރޮކިއުމަންޓް ޕްރޮސެސް ފުރިހަމަކުރުމާއި ދުވަހުން ދުވަހަށް ހޯދަންޖެހޭ ތަކެތި ހޯދުމާއި ޕާޗޭސް އޯޑަރ ތައްޔާރުކޮށް ފުރިހަމަކުރުމަށްފަހު އެ އެއްޗެއް ގަތުމަށް ހަމަޖެހިފައިވާ ތަނަކަށް ފޮނުވުމަށްފަހު މުދާ ގެނައުމާއި ބީލަމަށް ހުޅުވާލައިގެން ކުރަންޖެހޭ މަސައްކަތްތަކުގެ މަޢުލޫމާތު ކަރުދާހާއި އެހެނިހެން ލިޔެކިއުން ތައްޔާރުކުރުމާއި ދަޢުލަތުގެ މާލިއްޔަތު ޤަވައިދާ އެއްގޮތަށް ކައުންސިލަށް ބޭނުންވާ މުދަލާއި ޚިދުމަތް ލިބިގަތުމުގެ އެންމެހާ މަސައްކަތްކުރުން ހިމެނެއެވެ. މީގެ އިތުރުން ބިޑް އެވޯޑްކުރެވޭ ފަރާތުގެ މަޢުލޫމާތު ރަސްމީ 5 ދުވަހުގެ ތެރޭގައި ގެޒެޓުގައި ޝާއިޢުކުރުމާއި، އެވޯޑް ޑާޓާ ޝީޓް ޖެހިގެން އަންނަ މަހުގެ 10 ވަނަ ދުވަހުގެ ކުރީން ގެޒެޓްކުރުން ހިމެނެއެވެ.
އީމެއިލް [email protected]
ފޯން: 6501060
އުބައިދުﷲ ޢަބްދުލްޙަކީމް – އެސިސްޓެންޓް ކައުންސިލް އޮފިސަރ
އެސިސްޓެންޓް ކައުންސިލް އޮފިސަރ ޢުބައިދުﷲ ޢަބްދުލްޙަކީމް މި ކައުންސިލާ ގުޅިވަޑައިގަތީ، 2024 އެޕްރީލް 17 ވަނަ ދުވަހު އެސިސްޓެންޓް ކައުންސިލް އޮފިސަރ މަޤާމަށެވެ.
ޢުބައިދުﷲ ޢަބްދުލްޙަކީމް މަސައްކަތް ކުރައްވަމުން ގެންދަނީ ކައުންސިލް އިދާރާގެ އެޓޯލް ޑިވެލޮޕްމަންޓް ސެކްޝަންގެ ބިޒްނަސް ޑިވެލޮޕްމަންޓް ޔުނިޓްގައެވެ. ޢުބައިދުﷲ ޢަބްދުލްޙަކީމް ގެ މައިގަނޑު މަސައްކަތަކީ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނުގެ ދަށުން އަތޮޅުކައުންސިލަށް ލިބިދީފައިވާ ބާރާއި، މަސްއޫލިއްޔަތު އަދާކުރުމަށްޓަކައި ހިންގާ އެންމެހައި ޕްރޮގްރާމްތައް ތަންފީޒު ކުރުމުގެ ކަންތައްތައް ހިންގުމަށް ކުރަންޖެހޭ އެންމެހައި މަސައްކަތްތައް ކުރުމާއި، އިޖުތިމާއީ ގޮތުން ކުރި އެރުން ހޯދުމުގެ ބޭނުމުގައި އަމިއްލަ ޖަމާޢަތްތަކާއި ކުންފުނި ނުވަތަ ކޯޕަރޭޓިވް ތަކާއި ގުޅިގެން ކައުންސިލް ހިންގުމަށް ރާވާ ޕްރޮގްރާމްތައް ރޭވުމާއި، ކައުންސިލްތައް ހިނގާނުހިނގާގޮތް ބެލުމަށްޓަކައި ރަށުކައުންސިލްތައް މޮނިޓަރ ކުރުމާއި، އޮޑިޓްކުރުމާއި، ރަށްރަށުގައި ހިންގާ ވިޔަފާރިތަކާއި ގުޅިގެން ހުށަހަޅާ މައްސަލަތައް ޙައްލުކުރުމަށް މަސައްކަތްކުރުމާއި ބޭނުންވާ އެހީތެރިކަން ދިނުމާއި އެކަމާ ގުޅޭ ރިޕޯޓްތައް ތައްޔާރުކުރުމާއި، ކައުންސިލްތަކުގެ އިންފްރާސްޓްރަކްޗަރ ތަރައްޤީކޮށް ދެމެހެއްޓެނިވި ގޮތެއްގައި ބެލެހެއްޓުމަށް ކުރަންޖެހޭ އެންމެހައި މަސައްކަތްތައް ކުރުމެވެ.
ފޯން: 6500090
އީމެއިލް: [email protected]
އަޒުމީލާ އަބޫބަކުރު – އެސިސްޓެންޓް ކައުންސިލް އޮފިސަރ (ވަގުތީ)
އަލްފާޟިލާ އަޒްމީލާ އަބޫބަކުރު ތިލަދުންމަތީ އުތުރުބުރީ އަތޮޅުކައުންސިލްގެ އިދާރާއާ ވަގުތީ މުވައްޒަފެއްގެ ގޮތުގައި ގުޅިވަޑައި ގަތީ 2023 ނޮވެންބަރު 16 ވަނަ ދުވަހު އެސިސްޓެންޓް ކައުންސިލް އޮފިސަރެއްގެ މަޤާމަށެވެ.
އަޒްމީލާ އަބޫބަކުރު މަސައްކަތް ކުރައްވަމުން ގެންދަވަނީ މި ކައުންސިލްގެ އެޓޯލް ސަރޕޯޓް ސާރވިސް ސެކްޝަނުގެ ދަށުން ޕަބްލިކް ސާރވިސް ޔުނިޓުގައެވެ. މި ކައުންސިލުގައި އަޒްމީލާ ކުރައްވާ މަސައްކަތްތަކުގެ ތެރޭގައި، ސްޓޭޓް ހައުސް އިން ކޮޓަރި ހޯދުމަށް އެދޭ ފަރާތްތަކަށް ކޮޓަރި ދޫކުރުމުގެ އިންތިޒާމްތައް ހަމަޖެއްސުމާއި، ސްޓޭޓް ހައުސް ގެ ގޯތިތެރޭ ސާފުކޮށް ބެހެއްޓުމަށް ބޭނުންވާ އެންމެހައި އިންތިޒާމްތައް ރާވައި ބެލެހެއްޓުމާއި، އެކިއެކި މުނާސަބަތާއި ގުޅިގެން ކައުންސިލްގެ ފަރާތުން ތައްޔާރުކުރާ ހޯލްތައްޔާރު ކުރުމާއި އެފަދަ ތަންތަން ޗެކުކޮށް ބެލެހެއްޓުމެވެ. މީގެ އިތުރުން، ކައުންސިލް އިދާރާގެ މީޓިންގ އަދި ޙަފްލާތަކަށް ބޭނުންވާ ލޮޖިސްޓިކް ސަޕޯރޓްދިނުމުގެ މަސައްކަތް ބެލެހެއްޓުމާއި، ސްޓޭޓް ހައުސްއާއި ގޯތިތެރޭގައިވާ އިމާރާތްތަކުގެ މެއިންޓަނަންސް މަސައްކަތް ކުރާއިރު އެ ޢިމާރާތުން ބަދަލު ކުރާ އެންމެހައި ތަކެތީގެ މަޢުލޫމާތު އިންވެންޓްރީ ބަލަހައްޓާ މުވައްޒަފަށް ފޯރުކޮށްދިނުން ހިމެނެއެވެ.
މި ކައުންސިލާއި ގުޅުމުގެ ކުރިން އަޒްމީލާ އަބޫބަކުރު ވަނީ ސެންޓަރ ފޯރ ހަޔަރ ސެކަންޑްރީ އެޑިއުކޭޝަންގެ ސެކްރެޓަރީ މަޤާމު އަދާކޮށްފައެވެ.
ފޯނު ނަންބަރު: 6500094
އީ.މެއިލް: [email protected]
އަޙްމަދު ހުސައިން – ޑްރައިވަރ
އަލްފާޟިލް އަޙުމަދު ޙުސައިން މި ކައުންސިލާ ގުޅިވަޑައިގަތީ 2008 އޮކްޓޫބަރު 27 ވަނަ ދުވަހު ޑްރައިވަރެއްގެ މަޤާމަށެވެ.
އަޙުމަދު ޙުސައިންގެ މައިގަނޑު މަސައްކަތްތަކުގެ ތެރޭގައި، ހަފްތާއަކު ދެފަހަރު މި ކައުންސިލްގެ ވެހިކަލްތައް ދޮވެ ސާފުކުރުމާއި، ވެހިކަލްތަކުގެ އަޑީތެޔޮ ބަދަލުކުރަންޖެހޭ މުއްދަތުގައި ތެޔޮ ބަދަލުކުރުމާއި، ވެހިކަލްތަކަށް ބޭނުންވާތަކެތި ކަމާބެހޭ ސެކްޝަނުގައި ދަންނަވައިގެން ހޯދުމާއި، އެތަކެތި ބެލެހެއްޓުމާއި، ވެހިކަލްތަކުގައި ކުރަންޖެހޭ ދަތުރުތައް ކުރުމާއި، ވެހިކަލްތަކަށް ބޭނުންވާ ތެޔޮ އެޅުމާއި، އޮފީހުގެ އެއަރކޯން ޔުނިޓުތައް ފޮހެ ސާފުކުރުން ހިމެނެއެވެ.
އަޙުމަދު ޙުސައިން ސަރުކާރުގައި މެދުނުކެނޑި އުޅުއްވާތާ 16 އަހަރަށްވުރެ ގިނަދުވަސް ވެއްޖެއެވެ.
ކައުންސިލް އެސިސްޓެންޓް – އަޙުމަދު ފިރާޤް
އަލްފާޟިލް އަޙުމަދު ފިރާޤް މި އިދާރާއާ ގުޅިވަޑައިގަތީ 22 ޑިސެންބަރު 2011 ގައެވެ.
ކައުންސިލް އެސިސްޓެންޓެއްގެ ހައިސިއްޔަތުން އަޙުމަދު ފިރާޤް ކުރައްވާ މަސައްކަތްތަކުގެ ތެރޭގައި، ސްޓޭޓްހައުސް ގޯތިތެރެއާއި ސްޓޭޓްހައުސް ހިމެނޭ ސަރަހައްދުގެ މަގުމަތި ކުނިކަހާ ސާފުކުރުމާއި، ސްޓޭޓްހައުސް ފޮޅާ ސާފުކޮށް މޮޕްލުމާއި، ސްޓޭޓްހައުސް ޒިޔާރަތްކުރާ މެހެމާނުންނަށް ބޭނުންވާ ކޮޓަރިތައް ސާފުކޮށް ތަންމަތި އެޅުމާއި އޮފީހުން އަންގާ އެހެނިހެން މަސައްކަތް ކުރުން ހިމެނެއެވެ.
އަޙުމަދު ފިރާޤް ސަރުކާރުގައި މެދުނުކެނޑި އުޅުއްވާތާ 13 އަހަރަށްވުރެ ގިނަދުވަސް ވެއްޖެއެވެ.
ކައުންސިލް އެސިސްޓެންޓް – ލަޠީފާ ޢަބްދުﷲ
އަލްފާޟިލާ ލަޠީފާ ޢަބްދުﷲ ތިލަދުންމަތީ އުތުރުބުރީ އަތޮޅު ކައުންސިލާއި ގުޅިވަޑައިގަތީ 07 ޑިސެމްބަރ 2000 ގައި އަތޮޅުގޭ ކައްކާ އެއްގެ މަޤާމަށެވެ. އޭގެފަހުން މި ކައުންސިލްގެ މަސައްކަތު މީހެއްގެ މަޤާމަށް ބަދަލުކުރައްވާފައިވަނީ 12 ޖުލައި 2004 ގައެވެ.
2022 ވަނަ އަހަރު އޮނިގަނޑަށް އައި ބަދަލާ ގުޅިގެން ވަނީ ކައުންސިލް އެސިސްޓެންޓްގެ މަޤާމަށް ބަދަލުވެފައެވެ. ލަޠީފާ ޢަބްދުﷲ ކުރައްވާ މަސައްކަތްތަކުގެ ތެރޭގައި، ސްޓޭޓްހައުސް ގޯތިތެރެއާއި ސްޓޭޓްހައުސް ހިމެނޭ ސަރަހައްދުގެ މަގުމަތި ކުނިކަހާ ސާފުކުރުމާއި، ސްޓޭޓްހައުސް ފޮޅާ ސާފުކޮށް މޮޕްލުމާއި، ސްޓޭޓްހައުސް އަށް ޒިޔާރަތްކުރާ މެހެމާނުންނަށް ދޫކުރުމަށް ކޮޓަރިތައް ސާފުކުރުން ހިމެނެއެވެ.
ލަޠީފާ ޢަބްދުﷲ ސަރުކާރުގައި މެދުނުކެނޑި އުޅުއްވާތާ 16 އަހަރަށްވުރެ ގިނަދުވަސް ވެއްޖެއެވެ. ލަޠީފާ ޢަބްދުﷲ އަދާކުރެއްވި މަޤާމުތަކުގެ ތެރޭގައި ހއ. އަތޮޅުގޭގެ ކައްކާ މީހެއްގެ މަޤާމް ހިމެނެއެވެ.
ކައުންސިލް އެސިސްޓެންޓް – މުޙައްމަދު ރިޔާޒް
އަލްފާޟިލް މުޙައްމަދު ރިޔާޒް މި އިދާރާ ގުޅިވަޑައިގަތީ 19 ޖަނަވަރީ 2015 ގައެވެ. ފަޅުވެރިއެއްގެ ހައިސިއްޔަތުން މުޙައްމަދު ރިޔާޒް ކުރައްވަންޖެހޭ މަސައްކަތްތަކުގެ ތެރޭގައި، ލޯންޗް ޑްރައިވަރ އަންގާ ގޮތެއްގެމަތިން ލޯންޗް ފެހިކަހާ ދޮވެ ސާފުކުރުމާއި، ލޯންޗަށް އަޅަންޖެހޭ ތެޔޮ އެޅުމާއި އަދި މިނޫނަސް ލޯންޗަށް ގެންދަންޖެހޭ ތަކެތި ގެނައުމާއި، ލޯންޗް އިންޖީނު ތެޔޮބަދަލުކުރަންޖެހޭ ގަޑި ހަމަވުމުން ތެޔޮބަދަލުކުރުމާއި، ލޯންޗަށް ހޯދާ ތަކެތި ބެލެހެއްޓުމާއި، ލޯންޗްގައި ކުރަންޖެހޭ ދަތުރުތައް ކުރުން ހިމެނެއެވެ.
ފޯން:
ކައުންސިލް އެސިސްޓެންޓް – ޙަލީމަތު ޝަފީޤާ
އަލްފާޟިލާ ޙަލީމަތު ޝަފީޤާ މި ކައުންސިލާ ގުޅިވަޑައިގަތީ 2020 ޖަނަވަރީ 29 ވަނަ ދުވަހު މަސައްކަތު މަޤާމަށެވެ. 2022 ވަނަ އަހަރު ވަނީ ކައުންސިލް އެސިސްޓެންޓް މަޤާމަށް ބަދަލުކުރެވިފައެވެ.
ޙަލީމަތު ޝަފީޤާ ކުރައްވަމުން ގެންދަވާ މަސައްކަތުގެ ތެރޭގައި، އަތޮޅު ކައުންސިލް އިދާރާގެ އެތެރެއާއި ބޭރު ކުނިކަހާ ފޮޅާ ސާފުކޮށް ބެލެހެއްޓުމާއި، އޮފީހުގެ ފާޚާނާތައް ދޮވެ ސާފުކުރުމާއި، ކައުންސިލް އިދާރާއިން ޢާންމު ފަރާތްތަކާއި ސަރުކާރު އޮފީސްތަކަށް ޙަވާލުކުރަން ފޮނުވާ ލިއުންތައް ޙަވާލުކުރުމާއި، ކައުންސިލް އިދާރާއަށް ގަންނަން ބޭނުންވާ ތަކެތި ފިހާރަތަކުން ގެނައުމާއި، ކައުންސިލް އިދާރާއިން ފިހާރަތަކަށާއި ޢާންމު ފަރާތްތަކަށް ޙަވާލުކުރަންޖެހޭ ފައިސާ ޙަވާލުކުރުމާއި، އެކި މުނާސަބަތާ ގުޅިގެން ކައުންސިލުން ތައްޔާރުކުރަންޖެހޭ ހޯލް ތައްޔާރު ކުރުމުގައި އެހީތެރިވެ ދިނުން ހިމެނެއެވެ.
ލޯންޗް ޑްރައިވަރ މުޙައްމަދު ފަހުމީ
އަލްފާޟިލް މުޙައްމަދު ފަހުމީ މި އޮފީހާއި ގުޅިވަޑައިގަތީ 28 ނޮވެންބަރު 2017 ގައެވެ.
އެޓޯލް ޑިވެލޮޕްމަންޓް ސެކްޝަންގެ ދަށުން ހިންގާ ބިޒްނަސް ޑިވެލޮޕްމަންޓް ޔުނިޓްގެ ބެލުމުގެ ދަށުގައިވާ ރެހެންދި ލާންޗު ޑްރައިވަރެއްގެ ގޮތުގައި މަސައްކަތްކުރައްވާ މުޙައްމަދު ފަހުމީގެ މައިގަނޑު މަސައްކަތްތަކަކީ ރެހެންދި ލޯންޗުގައި ކުރަންޖެހޭ ދަތުރުތައް ކުރުމާއި ލޯންޗު ދޮވެ ސާފުކޮށް ބެލެހެއްޓުމާއި ލޯންޗުގެ ސަލާމަތީ ކަންކަން ބެލެހެއްޓުމާއި އަދި ލޯންޗަށް ބޭނުންވާ ތަކެއްޗަކީ ކޮބައިކަން ދެނެގަނެ އެކަން އިދާރީ މުވައްޒަފުންގެ ސަމާލުކަމަށް ގެނައުމެވެ. ފަހުމީ ވަނީ، މީގެ ކުރިން ކުރުނބާ މޯލްޑިވްސް ރިސޯޓްގައި ލޯންޗު ކެޕްޓަންގެ މަޤާމު ފުރުއްވާފައެވެ. އަދި މީގެ އިތުރުން ވަންއެންޑް އޮންލީ ރީތިރަށް މޯލްޑިވްސް އާއި ސިލްވަރ ސޭންޑް މޯލްޑިވްސްގައިވެސް ލޯންޗް ޑްރައިވަރެއްގެ މަޤާމު ވަނީ ފުރުއްވާފައެވެ. މި ވަޒީފާތަކާއެކު ރިސޯޓް ދާއިރާއަށް ޖުމްލަ 6 އަހަރު ވަނީ ޚިދުމަތް ކޮށްދެއްވާފައެވެ.
މީގެ އިތުރުން މި ކައުންސިލާއި ގުޅުނު ފަހުން ލައިފް ގާރޑް ކޯހާއި ނިޔަމިކޯސް ސެޓްފިކެޓް 1 ވަނީ ހައްދަވާފައެވެ.
ލޯންޗް ފަޅުވެރި – ޢަބްދުﷲ ނަޢީމް
އަލްފާޟިލް ޢަބްދުﷲ ނަޢީމް މި އޮފީހާއި ގުޅިވަޑައިގަތީ 11 ނޮވެންބަރު 2015 ގައި ލޯންޗު ފަޅުވެރިއެއްގެ މަޤާމަށެވެ.
އެޓޯލް ޑިވެލޮޕްމަންޓް ސެކްޝަންގެ ދަށުން ހިންގާ ބިޒްނަސް ޑިވެލޮޕްމަންޓް ޔުނިޓްގެ ބެލުމުގެ ދަށުގައިވާ ރެހެންދި ލާންޗު ފަޅުވެރިއެއްގެ ގޮތުގައި މަސައްކަތް ކުރައްވާ ޢަބްދުﷲ ނަޢީމް ގެ މައިގަނޑު މަސައްކަތްތަކީ ލޯންޗް ޑްރައިވަރުގެ އިރުޝާދުގެ ދަށުން ރެހެންދި ލޯންޗުގައި ކުރަންޖެހޭ ދަތުރުތައް ކުރުމާއި ލޯންޗު ދޮވެ ސާފުކޮށް ބެލެހެއްޓުމާއި ސްޓޭޓް ހައުސް ޒީނަތްތެރި ކުރުމުގައި އެހީވުމާއި މީގެ އިތުރުން އިސްވެރިން އަންގާ މަސައްކަތް ކުރުމެވެ.
ޢަބްދުﷲ ނަޢީމް ވަނީ ނިޔަމި ކޯސް ފުރިހަމަ ކޮށްފައެވެ.
ލޯންޗް ފަޅުވެރި – އަޙްމަދު މަފާޒް
އަލްފާޟިލް އަޙްމަދު މަފާޒް މި އޮފީހާއި ގުޅިވަޑައިގަތީ 13 މާރިޗު 2023 ގައި ލޯންޗު ފަޅުވެރިއެއްގެ މަޤާމަށެވެ.
އެޓޯލް ޑިވެލޮޕްމަންޓް ސެކްޝަންގެ ދަށުން ހިންގާ ބިޒްނަސް ޑިވެލޮޕްމަންޓް ޔުނިޓްގެ ބެލުމުގެ ދަށުގައިވާ ރެހެންދި ލާންޗު ފަޅުވެރިއެއްގެ ގޮތުން އަޙްމަދު މަފާޒް ގެ މައިގަނޑު މަސްޢޫލިއްޔަތަކީ ލޯންޗް ޑްރައިވަރުގެ އިރުޝާދުގެ ދަށުން ރެހެންދި ލޯންޗުގައި ކުރަންޖެހޭ ދަތުރުތައް ކުރުމާއި ލޯންޗު ދޮވެ ސާފުކޮށް ބެލެހެއްޓުމާއި ސްޓޭޓް ހައުސް ޒީނަތްތެރި ކުރުމުގައި އެހީވުމާ އަދި މީގެ އިތުރުން އިސްވެރިން އަންގާ މަސައްކަތް ކުރުމެވެ.
މަފާޒް މީގެ ކުރިން ހައިޑްއަވޭ ރިސޯޓުގައި ހައުސް ކީޕިންގ ޑިޕާރޓްމަންޓްގައި ރޫމް ބޯއީ އެއްގެ މަޤާމުގައި މަސައްކަތް ކޮށްފައިވެއެވެ.
މީގެ އިތުރުން މަފާޒް ވަނީ ނިޔަމި ފަޅުވެރި ކޯހާއި ހައުސް ކީޕިންގ ބޭސިކް ކޯސް ފުރިހަމަ ކޮށްފައެވެ.
ކައުންސިލް އެސިސްޓެންޓް (ވަގުތީ ) – އަޙްމަދު ރަޝީދު
އަލްފާޟިލް އަޙުމަދު ރަޝީދު މި ކައުންސިލާ ގުޅިވަޑައިގަތީ 2023 އޮކްޓޫބަރު 19 ވަނަ ދުވަހު މަސައްކަތު (ވަގުތީ) މަޤާމަށެވެ.
މަސައްކަތު މީހެއްގެ ހައިސިއްޔަތުން އަޙުމަދު ރަޝީދު ކުރައްވާ މަސައްކަތްތަކުގެ ތެރޭގައި، ސްޓޭޓްހައުސް ގޯތިތެރެއާއި ސްޓޭޓްހައުސް ހިމެނޭ ސަރަހައްދުގެ މަގުމަތި ކުނިކަހާ ސާފުކުރުމާއި، ސްޓޭޓްހައުސް ފޮޅާ ސާފުކޮށް މޮޕްލުމާއި، ސްޓޭޓްހައުސް ޒިޔާރަތްކުރާ މެހެމާނުންނަށް ބޭނުންވާ ކޮޓަރިތައް ސާފުކޮށް ތަންމަތި އެޅުމުގެ އިތުރުން އޮފީހުގެ ވެރީން އަންގާ މަސައްކަތްތައް ކުރުން ހިމެނެއެވެ.
އަޙުމަދު ރަޝީދު މި ކައުންސިލާ ގުޅިވަޑައިގަތުމުގެ ކުރީން ވަނީ ރިސޯޓުގައި މަސައްކަތް ކުރައްވާފައެވެ.